അന്താരാഷ്‌ട്ര ക്രിക്കറ്റില്‍ നിന്നും വിരമിച്ചെങ്കിലും ഇപ്പോഴും ഒരു വലിയ ആരാധക പിന്തുണ എംഎസ് ധോണിക്കുണ്ട് (MS Dhoni). ധോണി എവിടെ എത്തിയാലും തങ്ങളുടെ പ്രിയപ്പെട്ട തലയെ കാണാന്‍ ആരാധകരും അവിടെ തടിച്ചുകൂടും. ഐപിഎല്‍ (IPL) മത്സരങ്ങളില്‍ ഇത് പലപ്പോഴും നാം കാണ്ടിട്ടുള്ളതാണ്.
രാജ്യാന്തര ക്രിക്കറ്റില്‍ നിന്ന് വിരമിച്ച ധോണി ഇപ്പോഴാകട്ടെ ഐപിഎല്ലില്‍ മാത്രമാണ് സജീവമായിട്ടുള്ളത്. ചെന്നൈ സൂപ്പര്‍ കിങ്സ് നായകന്‍ കൂടിയായ ധോണിയുടെ കളി കാണാന്‍ മാത്രം വണ്ടിയും പിടിച്ച് ആരാധകര്‍ രാജ്യത്തിന്‍റെ പല ഭാഗത്തേക്കും എത്തുന്നത് ഇന്ന് പതിവ് കാഴ്‌ചയായി മാറിയിട്ടുണ്ട്. എന്തിനേറെ പറയുന്നു ചെന്നൈയുടെ പരിശീലന സെഷനില്‍ പോലും ധോണി ബാറ്റ് ചെയ്യാനിറങ്ങും എന്ന് അറിഞ്ഞാല്‍ ചെപ്പോക്കിലെ ഗാലറിയിലേക്ക് ആരാധക കൂട്ടം ഒഴുകിയെത്തും.
ഐപിഎല്‍ കഴിഞ്ഞാല്‍ എംഎസ് ധോണിയെ അപൂര്‍വമായി മാത്രമെ ആരാധകര്‍ക്ക് കാണാന്‍ സാധിക്കൂ. അതുകൊണ്ട് തന്നെ, ധോണി കളിക്കുന്ന ഐപിഎല്‍ മത്സരങ്ങളെ ആരാധകര്‍ ആവേശത്തോടെയാണ് വരവേല്‍ക്കുന്നതും. ഐപിഎല്‍ പതിനാറാം പതിപ്പില്‍ ചെന്നൈ സൂപ്പര്‍ കിങ്സ് വിജയകിരീടം ചൂടിയ ശേഷം ധോണി തന്‍റെ കാല്‍മുട്ടിലെ പരിക്കിന് ശസ്‌ത്രക്രിയയ്‌ക്ക് വിധേയനായിരുന്നു.
മുംബൈയിലെ ശസ്‌ത്രക്രിയക്ക് ശേഷം താരം തന്‍റെ വീട്ടിലേക്ക് പോയിരുന്നുവെന്ന് നേരത്തെ റിപ്പോര്‍ട്ടുകള്‍ പുറത്തുവന്നിരുന്നു. അതിന് ശേഷം താരം സോഷ്യല്‍ മീഡിയ പേജുകളില്‍ അങ്ങനെ അധികം പ്രത്യക്ഷപ്പെട്ടിരുന്നില്ല. എന്നാല്‍ ഇപ്പോള്‍, ഒരു ആരാധകന്‍റെ കാമറക്കണ്ണുകളില്‍ കുടുങ്ങിയിരിക്കുകയാണ് എംഎസ്‌ഡി.
Also Read :MS Dhoni | ധോണിയെ ക്യാപ്റ്റനാക്കിയതിന് കാരണങ്ങളുണ്ട്; വെളിപ്പെടുത്തി മുന്‍ സെലക്‌ടര്‍