ചണ്ഡിഗഡ് : മുൻ ഇന്ത്യൻ ക്രിക്കറ്റ് താരം ഹർഭജൻ സിങ്ങിനെ ആംആദ്‌മി പാര്‍ട്ടി (എഎപി) രാജ്യസഭയിലേക്ക് നാമനിർദേശം ചെയ്‌തു. ഹര്‍ഭജനൊപ്പം എഎപി എംഎൽഎ രാഘവ് ഛദ്ദ, ഐഐടി ഡൽഹി ഫാക്കൽറ്റി സന്ദീപ് പഥക് എന്നിവരുൾപ്പടെ അഞ്ച് സ്ഥാനാര്‍ഥികളെയാണ് എഎപി പഞ്ചാബില്‍ നിന്നും നാമനിർദേശം ചെയ്‌തിരിക്കുന്നത്.
വിദ്യാഭ്യാസ വിദഗ്‌ധന്‍ അശോക് കുമാർ മിത്തല്‍, വ്യവസായിയായ സഞ്ജീവ് അറോറ എന്നിവരാണ് പാർലമെന്‍റിന്‍റെ ഉപരിസഭയിലേക്കുള്ള എഎപിയുടെ മറ്റ് രണ്ട് സ്ഥാനാര്‍ഥികളെന്ന് പാർട്ടി വൃത്തങ്ങൾ അറിയിച്ചു.