ഹൈദരാബാദ്: ടോക്കിയോ ഒളിംപിക്‌സിലേക്കുള്ള തയ്യാറെടുപ്പുകള്‍ വിശദീകരിച്ച് ലോക ബാഡ്‌മിന്‍റണ്‍ ചാമ്പ്യന്‍ പി.വി സിന്ധു. ഇടിവി ഭാരതിന് നല്‍കിയ പ്രത്യേക അഭിമുഖത്തിലാണ് താരം മനസ് തുറന്നത്. ഹൈദരാബാദിലെ ഇടിവി ഭാരത് ഓഫീസും സിന്ധു സന്ദര്‍ശിച്ചു. പ്രീമിയര്‍ ബാഡ്‌മിന്‍റണ്‍ ലീഗിലെ സിന്ധുവിന്‍റെ ടീമായ ഹൈദരാബാദ് ഹണ്ടേഴ്‌സിന്‍റെ ഉടമ ഡോ. വി.കെ റാവുവിനൊപ്പമാണ് സിന്ധു ഇടിവി ഭാരത് ഓഫീസിലെത്തിയത്. കഴിഞ്ഞ ഒളിംപിക്‌സില്‍ നേടിയ വെള്ളി ഇത്തവണ സ്വര്‍ണമാക്കി മാറ്റുകയാണ് തന്‍റെ ലക്ഷ്യമെന്ന് സിന്ധു പറഞ്ഞു. പ്രതീക്ഷകളുടെ ഭാരം സമ്മര്‍ദ്ദത്തിലാക്കുന്നുണ്ടോയെന്ന ചോദ്യത്തിന് ജനങ്ങള്‍ തനിക്കായി ആര്‍ത്തുവിളിക്കുന്നതില്‍ സന്തോഷമേയുള്ളൂവെന്നായിരുന്നു സിന്ധുവിന്‍റെ പ്രതികരണം.
പി.വി സിന്ധു ഇടിവി ഭാരതിന് നല്‍കിയ അഭിമുഖം