ദി ട്രാന്‍സ്‌പോര്‍ട്ടര്‍ സീരീസ് ഉള്‍പ്പെടെയുള്ള ആക്ഷന്‍ ചിത്രങ്ങളിലൂടെ ഹോളിവുഡ് പ്രേക്ഷകര്‍ക്ക് പ്രിയങ്കരനായ ജേസണ്‍ സ്റ്റാതം നായകാനായ ഏറ്റവും പുതിയ ചിത്രമാണ് 'റാത്ത് ഓഫ് മാൻ'. ഗൈ സ്റ്റുവർട്ട് റിച്ചി സംവിധാനം ചെയ്‌ത ഹോളിവുഡ് ആക്ഷൻ ത്രില്ലർ ചിത്രം ഇന്ത്യയിലും റിലീസിനൊരുങ്ങുകയാണ്. ലയൺസ് ഗേറ്റ് പ്ലേ എന്ന ഒടിടി പ്ലാറ്റ്‌ഫോമിലൂടെയാണ് ചിത്രം ഇന്ത്യൻ പ്രേക്ഷകരിലേക്ക് എത്തുന്നത്. ജൂലൈ 23 മുതൽ സിനിമ സംപ്രേഷണം ആരംഭിക്കും.
ഷെർലോക്ക് ഹോംസ്‌, ദി ജെന്‍റിൽമെൻ, സ്‌നാച്ച്, അലാദ്ദിൻ ചിത്രങ്ങളുടെ സംവിധായകനായ ഗൈ റിച്ചി ഒരുക്കിയ റാത്ത് ഓഫ് മാൻ 2021 ഏപ്രിൽ 22ന് റഷ്യ, ഓസ്‌ട്രേലിയ, തായ്‌വാൻ ഉൾപ്പെടെയുള്ള രാജ്യങ്ങളിലെ തിയേറ്ററുകളിൽ ആഗോളതലത്തിൽ റിലീസ് ചെയ്‌തിരുന്നു. ഇതേ വർഷം മെയ് എഴിന് ചിത്രം യുഎസിലും പ്രദർശനത്തിനെത്തി.
ആഗോള റിലീസിൽ മികച്ച കലക്ഷൻ നേടി റാത്ത് ഓഫ് മാൻ