വിവാഹവേദിയിൽ വിജയ്‌യുടെ വാത്തി കമിങ്ങിനും അല്ലു അർജുന്‍റെ രാമുലു രാമുലാ ഗാനത്തിനും ചുവടുവച്ച് മലയാളികളുടെ മനസ്സിൽ ഇടംപിടിച്ച കൊച്ചുമിടുക്കിയുടെ ഏറ്റവും പുതിയ റീൽസ് വീഡിയോ വൈറലാകുന്നു. ആറു വയസുകാരിയായ വൃദ്ധി വിശാലിന്‍റെ ഡബിൾ റോളിലുള്ള റൊമാന്‍റിക് ഗാനമാണ് സമൂഹമാധ്യമങ്ങളിൽ ട്രെൻഡിങ്ങിൽ ഇടംപിടിച്ചിരിക്കുന്നത്.
തലയിൽ വിഗ്ഗു മീശയും കൂളിങ് ഗ്ലാസും വച്ച് ഡിജെ പിക്കാച്ചുവായും, സാരിയുടുത്ത് റൊമാന്‍റിക് നായികയായുമാണ് വൃദ്ധിയുടെ പുതിയ അവതരണം. ഇളയരാജയുടെ 'കൊടൈ വെപ്പത്തിൽ' എന്ന ഗാനത്തിനാണ് വൃദ്ധി വിശാലിന്‍റെ കോമഡിയും നർമവും കലർന്ന പുതുപുത്തൻ ഡാൻസ്. ചുരുങ്ങിയ സമയത്തിനുള്ളിൽ കൊച്ചുമിടുക്കിയുടെ ഭാവങ്ങളും അവതരണവും പ്രേക്ഷകരുടെയും ശ്രദ്ധ പിടിച്ചുപറ്റുകയാണ്.