ഓസ്ട്രേലിയൻ മണ്ണില്‍ ഓസീസ് ടീമിനെ തോല്‍പ്പിച്ച് ഇന്ത്യന്‍ ടീം പരമ്പര സ്വന്തമാക്കിയത് ഓരോ ഇന്ത്യക്കാരനും അഭിമാനം ഇരട്ടിയായ നിമിഷമായിരുന്നു. നായകന്‍ വിരാട് കോലിയില്ലാതെ പരിചയ സമ്പന്നത കുറഞ്ഞ അംഗങ്ങളുള്ള ടീമുമായി ഇന്ത്യ നടത്തിയത് മിന്നുന്ന പ്രകടനം. പരമ്പര ജയിച്ച സന്തോഷം ഇപ്പോള്‍ ഇന്ത്യന്‍ ടീമിനൊപ്പം തന്നെ ആഘോഷിച്ചിരിക്കുകയാണ് ബോളിവുഡ് നടന്‍ വിവേക് ഒബ്റോയ്.
ഇന്ത്യന്‍ ടീം അംഗങ്ങളായ ജസ്പ്രീത് ബുംമ്ര, ചേതേശ്വര്‍ പുജാര എന്നിവര്‍ക്കൊപ്പം ദുബായ് വിമാനത്താവളത്തില്‍ നിന്നും പ്രഭാത ഭക്ഷണം കഴിച്ചതിന്‍റെ സന്തോഷം വിവേക് ഇന്‍സ്റ്റഗ്രാമില്‍ പങ്കുവെച്ച പോസ്റ്റിലൂടെ വ്യക്തമാക്കി. 'ബ്രേക്ക്‌ഫാസ്റ്റ് വിത്ത് ദി ചാമ്പ്യന്‍സ്' എന്നാണ് ഫോട്ടോയ്‌ക്ക് തലക്കെട്ടായി വിവേക് കുറിച്ചത്. 'തുടര്‍ന്നും നിങ്ങള്‍ ഇന്ത്യയ്ക്ക് അഭിമാനമാവുക' എന്നും വിവേക് കുറിച്ചു. പരമ്പര വിജയിച്ച ഇന്ത്യന്‍ ടീമിനെ അഭിനന്ദിച്ച് സോഷ്യല്‍മീഡിയ വഴി സൗത്ത് ഇന്ത്യയിലെയും ദക്ഷിണേന്ത്യയിലെയും സിനിമാ താരങ്ങള്‍ രംഗത്തെത്തിയിരുന്നു.