വിശാലിനെ നായകനാക്കി ശരവണൻ സംവിധാനം ചെയ്യുന്ന പേരിട്ടിട്ടില്ലാത്ത ചിത്രത്തിന്‍റെ ലൊക്കേഷിൽ നിന്നുമുള്ള പുതിയ ചിത്രം പങ്കുവച്ച് ബാബുരാജ്. വിശാലിനൊപ്പം നിൽക്കുന്ന ചിത്രമാണ് പങ്കുവച്ചത്. ഹൈദരാബാദിൽ വച്ച് നടന്നുകൊണ്ടിരുന്ന ചിത്രത്തിന്‍റെ ഷൂട്ടിങ് അവസാനിച്ചുവെന്നും ഇനിയുള്ള ചിത്രീകരണം ചെന്നൈയിൽ ആണെന്നും ചിത്രം പങ്കുവച്ചുകൊണ്ട് ബാബുരാജ് പറഞ്ഞു.
വിശാലിന്‍റെ 31ാമത്തെ ചിത്രമാണിത്. വില്ലൻ വേഷമാണ് ബാബുരാജ് കൈകാര്യം ചെയ്യുന്നത്. ദിലീഷ് പോത്തൻ സംവിധാനം ചെയ്ത ജോജിയിലെ അഭിനയം കണ്ടാണ് ബാബുരാജിനെ വിശാലിന്‍റെ സിനിമയിലേക്ക് ക്ഷണിക്കുന്നത്. ദിവസങ്ങൾക്ക് മുൻപ് ഇരുവരും തമ്മിലുള്ള സംഘട്ടന രംഗം ചിത്രീകരിക്കുന്നതിനിടെ വിശാലിന്‍റെ തോളിന് പരിക്കേറ്റിരുന്നു.