വിജയ്‌യുടെ 47-ാം പിറന്നാളോടനുബന്ധിച്ച് നെൽസൺ ദിലീപ് കുമാർ സംവിധാനം ചെയ്യുന്ന ബീസ്റ്റ് സിനിമയുടെ ടൈറ്റിലും ഫസ്റ്റ് ലുക്കും പുറത്തിവിട്ടിരുന്നു. തോക്ക് പിടിച്ചുള്ള മാസ് ലുക്ക് തരംഗമായതിന് പിന്നാലെ സിനിമയുടെ സെക്കൻഡ് ലുക്കും പങ്കുവച്ചിരിക്കുകയാണ് അണിയറപ്രവർത്തകർ.
പിറന്നാൾ തലേന്നാണ് ഫസ്റ്റ് ലുക്ക് പുറത്തിറങ്ങിയതെങ്കിൽ, സെക്കൻഡ് ലുക്ക് എത്തിയത് ജന്മദിനദിവസം കൃത്യം 12 മണിക്കായിരുന്നു. നെൽസൺ ദിലീപ് കുമാർ തന്നെയാണ് മാസ് ആക്ഷൻ ചിത്രത്തിന്‍റെ തിരക്കഥ ഒരുക്കുന്നത്. പൂജ ഹെഗ്‌ഡെ നായികയാവുന്ന ചിത്രത്തിൽ മലയാളി താരങ്ങളായ ഷൈൻ ടോം ചാക്കോ, അപർണ ദാസ് എന്നിവരും കേന്ദ്രകഥാപാത്രങ്ങളാകുന്നു. ബോളിവുഡ് താരം നവാസുദ്ധീൻ സിദ്ധിഖി ചിത്രത്തിൽ പ്രതിനായകനാകുമെന്നും റിപ്പോർട്ടുകളുണ്ട്.