ഗോദയ്‌ക്ക് ശേഷം ടൊവിനോ തോമസ്- ബേസിൽ ജോസഫ് കൂട്ടുകെട്ടിലൊരുങ്ങുന്ന 'മിന്നൽ മുരളി' ഒടിടി റിലീസിനൊരുങ്ങുന്നു. സെപ്‌തംബറിൽ ചിത്രം നെറ്റ്‌ഫ്ലിക്‌സിലൂടെ നേരിട്ട് പ്രദർശനത്തിന് എത്തുമെന്നാണ് റിപ്പോർട്ട്. നെറ്റ്‌ഫ്ലിക്‌സിൽ ഭീമൻ തുകക്കാണ് സിനിമ വിറ്റുപോയതെന്നാണ് സൂചന.
അണിയറപ്രവർത്തകർ ഇക്കാര്യത്തിൽ വ്യക്തത നൽകിയിട്ടില്ല. ഓണം റിലീസായി മിന്നൽ മുരളി തിയേറ്ററുകളിൽ എത്തുമെന്നായിരുന്നു നേരത്തെ അറിയിച്ചിരുന്നത്. എന്നാൽ സംസ്ഥാനത്ത് തിയേറ്ററുകൾ തുറക്കാൻ അനുമതി നൽകിയിട്ടില്ലാത്ത സാഹചര്യത്തിൽ ബഹുഭാഷ ചിത്രത്തിന്‍റെ റിലീസും അനിശ്ചിതത്തിലാണ്.
മിന്നൽ മുരളി നേരിട്ട് ഒടിടിയിലേക്ക്
എന്നാൽ, സിനിമയുടെ തിയേറ്റർ റിലീസിന് ശേഷം നെറ്റ്‌ഫ്ലിക്‌സിലൂടെ മിന്നൽ മുരളി പ്രദർശനത്തിന് എത്തുമെന്നും വമ്പൻ തുകക്ക് ഒടിടി കമ്പനി ഡിജിറ്റൽ അവകാശം സ്വന്തമാക്കിയതായും നേരത്തെ റിപ്പോർട്ടുകളുണ്ടായിരുന്നു. എന്നിരുന്നാലും സിനിമ തിയേറ്റർ റിലീസ് തന്നെയാകുമെന്നായിരുന്നു അറിയിപ്പ്.