ടൊവിനോ തോമസും കീർത്തി സുരേഷും ജോഡികളായെത്തുന്ന പുതിയ ചിത്രം പ്രഖ്യാപിച്ചു. 'വാശി' എന്ന പേരിലൊരുങ്ങുന്ന മലയാളചിത്രത്തിന്‍റെ ടൈറ്റിൽ പോസ്റ്റർ റിലീസ് ചെയ്‌തുകൊണ്ടാണ് സിനിമ പ്രഖ്യാപിച്ചത്. നടനും സംവിധായകനുമായ വിഷ്ണു ജി. രാഘവാണ് വാശി സംവിധാനം ചെയ്യുന്നത്. വിഷ്ണു തന്നെയാണ് ചിത്രത്തിന്‍റെ തിരക്കഥയും തയ്യാറാക്കുന്നത്.
#Vaashi 😊 G. Sureshkumar presents Revathy Kalamandir’s ‘വാശി’ .. Directed by Vishnu G Raghav.. #KeerthySuresh
Posted by Tovino Thomas on Sunday, 24 January 2021
കീർത്തിയുടെ അച്ഛനും പ്രശസ്‌ത നിർമാതാവുമായ ജി. സുരേഷ് കുമാറാണ് മലയാള ചിത്രം നിർമിക്കുന്നത്. ടൊവിനോയും കീർത്തിയും ആദ്യമായ് ഒന്നിക്കുന്ന ചിത്രത്തിൽ കീർത്തി സുരേഷിന്‍റെ അമ്മയും മലയാള സിനിമയുടെ എൺപതുകളിലെ നായികയുമായ മേനക സുരേഷും നിർമാണ പങ്കാളിയാകുന്നു. ഒപ്പം, മേനകയുടെയും സുരേഷിന്‍റെയും മൂത്ത മകൾ രേവതിയും വാശിയുടെ സഹനിർമാതാവാണ്.
റോബി വർഗീസ് രാജാണ് ഛായാഗ്രാഹകന്‍. മഹേഷ് നാരായണൻ ചിത്രത്തിന്‍റെ എഡിറ്റിങ് നിർവഹിക്കുന്നു. വാശിയുടെ വരികൾ ഒരുക്കുന്നത് വിനായക് ശശികുമാറാണ്. കൈലാസ് മേനോനാണ് സംഗീതം ഒരുക്കുന്നത്. രേവതി കലാമന്ദിറിന്‍റെ ബാനറിലാണ് വാശി ഒരുങ്ങുന്നത്.