ലോകമെമ്പാടുമുള്ള സിനിമാപ്രേമികൾ കാത്തിരിക്കുന്ന ഹോറർ ചിത്രമാണ് ദി കോൺജൂറിങ്ങിന്‍റെ മൂന്നാം ഭാഗം. 'ദി കോൺജൂറിങ്: ദി ഡെവിൾ മെയിഡ് മി ഡൂ ഇറ്റ്' എന്ന ടൈറ്റിലിലൊരുങ്ങുന്ന ഹോളിവുഡ് ചിത്രത്തിന്‍റെ ഏറ്റവും പുതിയ ട്രെയിലർ പുറത്തിറങ്ങി. ഉദ്വേഗഭരിതമായ രംഗങ്ങളും ഭയമുണർത്തുന്ന സസ്പെൻസും കോർത്തിണക്കിയുള്ള ത്രില്ലർ ചിത്രമായിരിക്കും ദി കോൺജൂറിങ് മൂന്നാം ഭാഗമെന്നാണ് ട്രെയിലർ നൽകുന്ന സൂചന. യഥാർഥ സംഭവത്തെ ആസ്പദമാക്കിയാണ് മൂന്നാം പതിപ്പും ഒരുക്കിയിട്ടുള്ളത്.
മൈക്കില്‍ കേവ്‌സാണ് ദി കോൺജൂറിങ്: ദി ഡെവിൾ മെയിഡ് മി ടു ഇറ്റ് സംവിധാനം ചെയ്തിരിക്കുന്നത്. എഡ്‌വേഡ്‌ വാറൻ, ലോറയിൻ വാറൻ എന്ന പാരാസൈക്കോളജിസ്റ്റ് ദമ്പതികളിലൂടെയാണ് കഥ മുന്നേറുന്നത്.