ഡല്‍ഹിയില്‍ കഴിഞ്ഞ ദിവസം നടന്ന നിയമസഭ തെരഞ്ഞെടുപ്പില്‍ വോട്ട് ചെയ്‍ത കാര്യം നടി തപ്സി ഫോട്ടോ ഷെയര്‍ ചെയ്‍ത് ആരാധകരെ അറിയിച്ചിരുന്നു. തുടര്‍ന്ന് തപ്സി ഡല്‍ഹിയില്‍ വോട്ട് ചെയ്‍തതിനെ വിമര്‍ശിച്ച് ഒരാള്‍ രംഗത്ത് എത്തി. വിമര്‍ശിച്ചയാള്‍ക്ക് ശക്തമായി മറുപടി നല്‍കിയിരിക്കുകയാണ് തപ്സി ഇപ്പോള്‍. ഡല്‍ഹിക്കാരിയായ താൻ വോട്ട് ചെയ്‍തതിനെ എന്തിന് ചോദ്യം ചെയ്യുന്നുവെന്നായിരുന്നു തപ്‍സിയുടെ മറുചോദ്യം.
മുംബൈക്കാരിക്ക് ഡല്‍ഹിയില്‍ വോട്ടുചെയ്യാമോ?; തപ്സി പന്നുവിന്‍റെ മറുപടി വൈറല്‍
ഡല്‍ഹി നിയമസഭ തെരഞ്ഞെടുപ്പില്‍ വോട്ട് ചെയ്‍ത ശേഷം നടി തപ്സി പന്നു, ഫോട്ടോ ഷെയര്‍ ചെയ്‍ത് ആരാധകരെ അറിയിച്ചതോടെയാണ് വിമര്‍ശനവുമായി നിരവധി പേര്‍ രംഗത്തെത്തിയത്.
മുംബൈക്കാരിക്ക് ഡല്‍ഹിയില്‍ എന്താകാര്യമെന്ന് ആരാധകന്‍; കണക്കിന് മറുപടികൊടുത്ത് നടി തപ്സി പന്നു
'ഞങ്ങളുടെ കുടുംബം വോട്ട് ചെയ്‍തു... നിങ്ങളോ...?' എന്ന അടിക്കുറിപ്പോടെയായിരുന്നു തപ്സി ഫോട്ടോ ഷെയര്‍ ചെയ്‍തത്. എന്നാല്‍ മുംബൈയില്‍ താമസിക്കുന്ന ആള്‍ എന്തിന് തങ്ങളുടെ കാര്യം നിര്‍ണയിക്കണമെന്നും കുറേക്കാലമായി മുംബൈയിലേക്ക് മാറിയതാണ് തപ്‍സിയെന്നും മറ്റൊരാള്‍ വിമര്‍ശിച്ചു. മുംബൈയിലെക്കാളും താൻ താമസിക്കുന്നത് ഡല്‍ഹിയില്‍ തന്നെയാണെന്നും തപ്സി മറുപടി നല്‍കി. സ്വന്തം വോട്ട് കൂടി മാറ്റണമെന്നും തപ്സിയെ വിമര്‍ശിച്ചയാള്‍ പറഞ്ഞിരുന്നു.
താൻ നികുതി അടക്കുന്നത് ഡല്‍ഹിയിലാണെന്നും അതിനാല്‍ അവിടെ താമസിക്കുന്ന മറ്റ് പലരേക്കാളും താൻ ഡല്‍ഹിക്കാരിയാണെന്നും തപ്സി പറഞ്ഞു. തന്‍റെ പൗരത്വത്തെ ചോദ്യം ചെയ്യരുത്, താങ്കളുടെ കാര്യം ഓര്‍ത്ത് ആശങ്കപ്പെടൂവെന്നും തപ്സി പറഞ്ഞു. ഞാൻ എന്താണ് ചെയ്യേണ്ടതെന്ന് പറയാൻ നിങ്ങള്‍ ആളല്ല. ഞാൻ എത്രത്തോളം ഡല്‍ഹിക്കാരിയാണെന്ന് വ്യക്തമാകാൻ എന്‍റെ പ്രതികരണം മതിയാകുമെന്ന് കരുതുന്നുവെന്നും തപ്സി പറഞ്ഞു.