ചന്ദ്ര എന്ന ശക്തയായ സ്ത്രീയുടെ വേഷത്തില്‍ നടി അനുപമ പരമേശ്വരന്‍ എത്തുന്ന മലയാളം ഹ്രസ്വചിത്രം 'ഫ്രീഡം അറ്റ് മിഡ്നൈറ്റ്' ടീസര്‍ പുറത്തിറങ്ങി. ആര്‍.ജെ ഷാൻ സംവിധാനം ചെയ്യുന്ന ഹ്രസ്വ ചിത്രത്തിന്‍റെ ടീസറും നിരവധി സസ്പെന്‍സുകള്‍ നിറഞ്ഞതാണ്. ഹക്കീ ഷാജഹാനാണ് ചിത്രത്തില്‍ നായകന്‍. അനുപമയും ഹക്കീമും തമ്മിലുള്ള സംഭാഷണങ്ങളും പ്രണയ രംഗങ്ങളും അടങ്ങിയതാണ് ടീസര്‍.
അനുപമ പരമേശ്വരന്‍റെ ആദ്യ ഹ്രസ്വചിത്രം, 'ഫ്രീഡം അറ്റ് മിഡ്നൈറ്റ്' ടീസര്‍ പുറത്തിറങ്ങി
ആര്‍.ജെ ഷാൻ സംവിധാനം ചെയ്യുന്ന ഹ്രസ്വ ചിത്രത്തിന്‍റെ ടീസര്‍ നിരവധി സസ്പെന്‍സുകള്‍ നിറഞ്ഞതാണ്. ഹക്കീ ഷാജഹാനാണ് ചിത്രത്തില്‍ നായകന്‍
Freedom @ Midnight Teaser
'നിനക്ക് വേണ്ടി എന്തും ചെയ്യാന്‍ താന്‍ തയ്യാറാണെന്ന്' ഹക്കീം അനുപമയോട് പറയുന്നതും മറുപടിയായി 'ഒരാളെ കൊല്ലാന്‍ പറ്റുമോ എന്ന്...?' എന്ന് അനുപമ ചോദിക്കുന്നതും ടീസര്‍ കാണാം. എന്നാല്‍ എന്ത് വിഷയമാണ് ഹ്രസ്വചിത്രം കൈകാര്യം ചെയ്യുന്നത് എന്നത് വ്യക്തമല്ല. സംവിധായകൻ ഷാൻ തന്നെയാണ് ഫ്രീഡം അറ്റ് മിഡ്നൈറ്റിന്‍റെ തിരക്കഥയൊരുക്കിയിരിക്കുന്നതും. അബ്‌ദുല്‍ റഹീമാണ് ഹ്രസ്വചിത്രത്തിന്‍റെ കാമറാമാൻ. ചിത്രത്തിന്‍റെ നിർമാതാവ് അഖില മിഥുനാണ്.
ടീസറിന് വലിയ സ്വീകാര്യതയാണ് സോഷ്യല്‍മീഡിയയില്‍ ലഭിക്കുന്നത്. ദുൽഖർ സൽമാൻ നിർമിച്ച മണിയറയിലെ അശോകനാണ് അനുപമയുടെ ഒടുവിൽ പുറത്തിറങ്ങിയ മലയാള ചിത്രം. തെലുങ്കിലടക്കം നിരവധി സിനിമകളാണ് അനുപമയുടെതായി അണിയറയിലുള്ളത്.