വായടക്കപ്പെട്ടോരുടെ വാക്കാണ് കലാപം... മെയ്‌ദിനാഭിവാദ്യങ്ങൾ നേർന്നുകൊണ്ട് നിവിൻ പോളി- രാജീവ് രവി ചിത്രം തുറമുഖത്തിന്‍റെ പുതിയ പോസ്റ്റർ പുറത്തുവിട്ടു. ഇന്ന് സിനിമയുടെ ഒടിടി റിലീസ് തിയതി പ്രഖ്യാപിക്കുമെന്നായിരുന്നു വാർത്തകളുണ്ടായിരുന്നതെങ്കിലും തുറമുഖത്തിന്‍റെ പുതിയ പോസ്റ്റർ മാത്രമാണ് അണിയറപ്രവർത്തകർ പങ്കുവച്ചിട്ടുള്ളത്. നിവിൻ പോളിക്കൊപ്പം ചിത്രത്തിലെ മറ്റ് പ്രധാന താരങ്ങളായ ജോജു ജോർജ്ജ്, ഇന്ദ്രജിത്ത് സുകുമാരൻ, പൂർണിമ ഇന്ദ്രജിത്ത്, അർജുൻ അശോകൻ, നിമിഷ സജയൻ, ദർശന രാജേന്ദ്രൻ എന്നിവരെയും പോസ്റ്ററിൽ കാണാം.
അമേരിക്കയിൽ കറുത്ത വർഗക്കാർക്ക് പൗരാവകാശങ്ങൾ നേടിയെടുക്കാൻ വേണ്ടി പ്രവർത്തിച്ച നേതാവ് മാർട്ടിൻ ലൂതർ കിംഗിന്‍റെ 'വായടക്കപ്പെട്ടവരുടെ ഭാഷയാണ് കലാപം' എന്ന വാക്ക് കുറിച്ചുകൊണ്ടാണ് നിവിൻ പോളി പോസ്റ്റർ പുറത്തുവിട്ടത്. എല്ലാ തൊഴിലാളുകൾക്കുമായി സിനിമയുടെ മെയ് ദിന പോസ്റ്റർ പങ്കുവക്കുന്നുവെന്നും താരം അറിയിച്ചു.
-
“A riot is the language of the unheard.” —- Martin Luther King Jr. Here’s our tribute to all the workers!!...
Posted by Nivin Pauly on Friday, 30 April 2021