തലൈവയുടെ രാഷ്ട്രീയ പാർട്ടി പ്രഖ്യാപനം ഈ മാസം അവസാനം നടക്കാനിരിക്കെ, കഴിഞ്ഞ ദിവസം രജനികാന്ത് ജ്യേഷ്‍ഠന്‍ സത്യനാരായണ റാവുവിനെ സന്ദർശിച്ചിരുന്നു. രാഷ്ട്രീയ പ്രവേശനത്തിന് മുന്നോടിയായി ജ്യേഷ്‍ഠന്‍റെ അനുഗ്രഹം വാങ്ങാനായി ബെംഗളൂരുവില്‍ എത്തുകയും സഹോദരനൊപ്പം നടൻ കുറച്ചു സമയം പങ്കിടുകയും ചെയ്‌തു.
രാഷ്ട്രീയ പ്രഖ്യാപനത്തിന് മുമ്പ് തലൈവ 'അണ്ണാത്ത'യിൽ എത്തും
പിറന്നാളിന് ശേഷം സിരുത്തൈ ശിവ ഒരുക്കുന്ന അണ്ണാത്തയുടെ ചിത്രീകരണത്തിനായി രജനികാന്ത് ഹൈദരാബാദിൽ എത്തും
രാഷ്ട്രീയ പ്രഖ്യാപനത്തിന് മുമ്പ് തലൈവ 'അണ്ണാത്ത'യിൽ എത്തും
രജനികാന്തിന്‍റെ രാഷ്ട്രീയ പ്രവേശനമാണ് മാധ്യമങ്ങളിലും സമൂഹമാധ്യമങ്ങളിലും ഇപ്പോൾ ചർച്ചയാകുന്നത്. അതേ സമയം, സൂപ്പർതാരത്തിന്‍റെ 168-ാം ചിത്രം 'അണ്ണാത്ത'യുടെ വിശേഷങ്ങളറിയാനും ആരാധകർ ആകാംക്ഷയിലാണ്. സിരുത്തൈ, വേതാളം, വീരം, വിവേകം, വിശ്വാസം ചിത്രങ്ങളിലൂടെ സുപരിചിതനായ സംവിധായകൻ സിരുത്തൈ ശിവ ഒരുക്കുന്ന അണ്ണാത്തയുടെ ചിത്രീകരണം ഈ മാസം 14ന് ആരംഭിക്കും. ഹൈദരാബാദിലാണ് തമിഴ് ചിത്രത്തിന്‍റെ ഷൂട്ടിങ്. തിങ്കളാഴ്‌ച ആരംഭിക്കുന്ന ചിത്രീകരണത്തിൽ തലൈവയും ഭാഗമാകുമെന്നാണ് റിപ്പോർട്ടുകൾ. ഈ മാസം 12നാണ് രജനികാന്തിന്‍റെ 70-ാം ജന്മദിനം. പിറന്നാൾ ആഘോഷങ്ങൾക്ക് ശേഷം താരം നേരെ ഹൈദരാബാദിലെ ഷൂട്ടിങ് ലൊക്കേഷനിൽ എത്തിച്ചേരും.