പരിയേറും പെരുമാൾ, ഇരണ്ടാം ഉലക പോരിൻ കടൈസി ഗുണ്ട് എന്നീ സിനിമകള്ക്ക് ശേഷം തമിഴകത്തെ പ്രശസ്ത സംവിധായകൻ പാ. രഞ്ജിത് നിർമിച്ച കുതിരൈവാലന് അന്താരാഷ്ട്ര ബഹുമതി. ബെർലിൻ ക്രിട്ടിക്സ് വീക്കിലേക്ക് തെരഞ്ഞെടുക്കപ്പെടുന്ന ആദ്യ ഇന്ത്യൻ ചിത്രമായി കുതിരൈവാലൻ.
അടുത്ത മാസം 10 മുതൽ 18 വരെ ബെർലിനിൽ നടക്കുന്ന ഏഴാം ബെർലിൻ ക്രിട്ടിക്സ് വീക്കിൽ തമിഴ് ചിത്രം പ്രദർശിപ്പിക്കും. പാ.രഞ്ജിത്തിന്റെ നീലം പ്രൊഡക്ഷൻസ് നിർമിച്ച കുതിരൈവാലൻ സംവിധാനം ചെയ്തത് മനോജ് ലിയോണൽ ജാഹ്സൻ, ശ്യാം സുന്ദര് എന്നിവർ ചേർന്നായിരുന്നു. പാ.രഞ്ജിത്തിന്റെ തന്നെ മദ്രാസ് ചിത്രത്തിലെ കലയരസനായിരുന്നു നായകവേഷം ചെയ്തത്. അഞ്ജലി പാട്ടീൽ ആയിരുന്നു ചിത്രത്തിലെ നായിക.