ദുല്‍ഖര്‍ സല്‍മാന്‍റെ മകള്‍ മറിയം എന്ന് ഓമനിച്ച് വിളിക്കുന്ന മറിയം അമീറ സല്‍മാന്‍റെ നാലാം ജന്മദിനമായിരുന്നു ഇന്ന്. താരപുത്രിക്ക് പിറന്നാള്‍ ആശംസകള്‍ നേര്‍ന്ന് രാവിലെ മുതല്‍ക്കേ നിരവധി പേരാണ് സോഷ്യല്‍ മീഡിയയില്‍ എത്തിയത്. ആശംസകളില്‍ ഏറെ ശ്രദ്ധനേടിയത് നടി നസ്രിയയുടെയും നടന്‍ കുഞ്ചാക്കോ ബോബന്‍റെയും ആശംസയായിരുന്നു. 'ഇത്ര വേഗം വളരല്ലേ പൊന്നേ' എന്നാണ് മറിയത്തിനും അമാലിനും ഒപ്പമുള്ള ഫോട്ടോ പങ്കുവച്ച് നസ്രിയ കുറിച്ചത്. 'ഞങ്ങളുടെ മാലാഖക്കുട്ടിക്ക് പിറന്നാള്‍ ആശംസകള്‍. മുമ്മൂ... നിനക്ക് നാല് വയസായി എന്ന് നച്ചു മാമിക്ക് വിശ്വസിക്കാനാവുന്നില്ല... ഇത്ര വേഗം വളരല്ലേ പൊന്നേ.... എന്‍റെ കൂള്‍, കിടിലം ബേബി, നിന്നെ ഞാന്‍ സ്നേഹിക്കുന്നു.....' പിറന്നാള്‍ ആശംസിച്ചുകൊണ്ട് നസ്രിയ കുറിച്ചു. നസ്രിയയുടെ അടുത്ത സുഹൃത്താണ് ആര്‍ക്കിടെക്റ്റും ദുല്‍ഖര്‍ സല്‍മാന്‍റെ ഭാര്യയുമായ അമാല്‍ സൂഫിയ. ഇരുവരും തമ്മിലുള്ള സൗഹൃദവും ഒന്നിച്ചുള്ള ചിത്രങ്ങളുമൊക്കെ മുമ്പും സമൂഹമാധ്യമങ്ങളില്‍ ശ്രദ്ധ നേടിയിട്ടുണ്ട്.
Also read: 'അവരുടേത് ജീവന്മരണ പോരാട്ടമായിരുന്നു'; ജയിച്ച വനിതകള്‍ക്ക് ആശംസയുമായി ഡബ്ല്യുസിസി