69-ാമത് മിസ് യൂണിവേഴ്സ് കിരീടം മെക്സിക്കോ സുന്ദരി ആന്ഡ്രിയ മേസക്ക്. 74 രാജ്യങ്ങളിൽ നിന്നുള്ള മോഡലുകളാണ് 2021ലെ മിസ് യൂണിവേഴ്സ് പട്ടത്തിലേക്ക് മത്സരിച്ചത്. ഇന്ത്യയെ പ്രതിനിധീകരിച്ച് മത്സരിച്ച അഡ്ലൈൻ കാസ്റ്റലിനോ മൂന്നാം റണ്ണറപ്പ് ആയി.
ബ്രസീലിയൻ സുന്ദരി ജൂലിയ ഗാമ ഫസ്റ്റ് റണ്ണറപ്പും പെറുവിൽ നിന്നുള്ള ജാനിക് മസേറ്റ രണ്ടാം റണ്ണറപ്പുമായി. നാലാം റണ്ണറപ്പായി തെരഞ്ഞെടുക്കപ്പെട്ടത് ഡൊമിനിക്കൻ റിപ്പബ്ലിക്കിൽ നിന്നുള്ള കിംബർലി ജിമെനെസാണ്.
ഫ്ലോറിഡയിലെ സെമിനോൾ ഹാർഡ് റോക്ക് ഹോട്ടൽ ആൻഡ് കാസിനോ ഹോളിവുഡായിരുന്നു മത്സരവേദി. ഞായാറാഴ്ച രാത്രി 8 മണി മുതൽ ഫോക്സ് ടിവിയിലൂടെ പരിപാടിയുടെ സംപ്രേഷണം ആരംഭിച്ചിരുന്നു.