മഞ്ജു വാര്യരും സണ്ണി വെയ്‌നും മുഖ്യവേഷങ്ങളിലെത്തുന്ന ചതുർമുഖത്തിലെ വീഡിയോ ഗാനം പുറത്തിറങ്ങി. മലയാളത്തിലെ ആദ്യ ടെക്നോ- ഹൊറർ ചിത്രമായ ചതുർമുഖത്തിലെ ശ്വേത മോഹൻ ആലപിച്ച ഗാനമാണ് റിലീസ് ചെയ്തത്. മനു മഞ്ജിത് രചന നിർവഹിച്ച ഗാനത്തിന് ഈണം പകർന്നിരിക്കുന്നത് ഇബ്‌ലിസ്, അഡ്‌വെഞ്ചേഴ്സ് ഓഫ് ഓമനക്കുട്ടൻ ചിത്രങ്ങളിലൂടെ ശ്രദ്ധേയനായ ഡോൺ വിൻസെന്‍റാണ്.
മഞ്ജു വാര്യരുടെ 'ചതുർമുഖം'; ശ്വേത മോഹൻ ആലപിച്ച ഗാനം പുറത്തിറങ്ങി
മഞ്ജു വാര്യരും സണ്ണി വെയ്‌നും അലൻസിയറും മുഖ്യവേഷത്തിലെത്തുന്ന ചതുർമുഖത്തിലെ വീഡിയോ ഗാനം പുറത്തിറങ്ങി.
ശ്വേത മോഹൻ ആലപിച്ച ഗാനം പുറത്തിറങ്ങി
രഞ്ജിത്ത് കമല ശങ്കറും സലില്‍ വിയും ചേർന്നാണ് മലയാള ചിത്രം സംവിധാനം ചെയ്‌തിരിക്കുന്നത്. അഭയകുമാർ.കെ, അനിൽ കുര്യൻ എന്നിവരാണ് തിരക്കഥാകൃത്തുക്കൾ.
ചതുർമുഖത്തിലെ നാല് മുഖങ്ങളെ അണിയറപ്രവർത്തകർ നേരത്തെ പരിചയപ്പെടുത്തിയിരുന്നു. മഞ്ജു വാര്യരും സണ്ണി വെയ്‌നും അലൻസിയറും ആദ്യ മൂന്ന് കഥാപാത്രങ്ങളാകുമ്പോൾ, സ്മാർട്ട് ഫോണാണ് ചിത്രത്തിലെ നാലാമത്തെ മുഖം. അഭിനന്ദൻ രാമാനുജമാണ് ഛായാഗ്രഹകൻ. മനോജ് സി.എസ് എഡിറ്റിങ് നിർവഹിക്കുന്ന ചിത്രം നിർമിക്കുന്നത് ജിസ് ടോംസും ജസ്റ്റിസ് തോമസും ചേർന്നാണ്.