അറുപത്തിയാറാമത് ദേശീയ ചലച്ചിത്ര പുരസ്‌കാരദാന വേദിയില്‍ മലയാളിത്തിളക്കവും. 'മഹാനടി'യിലൂടെ തെന്നിന്ത്യയുടെ പ്രിയനടിയും താരപുത്രിയുമായ കീര്‍ത്തി സുരേഷിന് മികച്ച അഭിനേത്രിക്കുള്ള പുരസ്കാരം ലഭിച്ചു. ജോസഫ് സിനിമയിലെ പ്രകടനത്തിന് മലയാളനടൻ ജോജു ജോർജ്ജിന് (പ്രത്യേക പരാമര്‍ശം) പുരസ്‌കാരവും സമ്മാനിച്ചു. ഉപരാഷ്ട്രപതി വെങ്കയ്യ നായിഡുവാണ് ഇന്നലെ ഡൽഹിയിൽ നടന്ന ചടങ്ങിൽ അവാർഡുകൾ വിതരണം ചെയ്‌തത്.
കീര്‍ത്തിയുടെ 'മഹാനടി'ക്കും ജോജുവിന്‍റെ 'ജോസഫി'നും ദേശീയ അവാർഡ്
ഉപരാഷ്ട്രപതി വെങ്കയ്യ നായിഡുവിൽ നിന്നും കീര്‍ത്തി സുരേഷും ജോജു ജോർജ്ജും പുരസ്കാരം ഏറ്റുവാങ്ങി
ദേശീയ അവാർഡ്
കീർത്തിയുടെ അച്ഛന്‍ സുരേഷ് കുമാറും അമ്മ മേനകയും സഹോദരി രേവതി സുരേഷും ചടങ്ങില്‍ സന്നിഹിതരായിരുന്നു. ബോളിവുഡ് താരം ആയുഷ്‌മാൻ ഖുറാന, അക്ഷയ് കുമാര്‍, വിക്കി കൗശല്‍, സംവിധായകന്‍ ആദിത്യ ധര്‍ എന്നിവരും അവാര്‍ഡുകള്‍ ഏറ്റുവാങ്ങി.
എന്നാൽ, മികച്ച മലയാള ചലച്ചിത്രമായി തെരഞ്ഞെടുത്ത 'സുഡാനി ഫ്രെം നൈജീരിയ' ടീം പൗരത്വ ഭേദഗതി നിയമത്തിനെതിരെ പ്രതിഷേധിച്ച് പുരസ്‌കാരദാന ചടങ്ങിൽ പങ്കെടുത്തിരുന്നില്ല.