അടുത്തിടെ പുറത്തിറങ്ങിയ മലയാള സിനിമാ ഗാനങ്ങളില്‍ നിന്നും പ്രേക്ഷകരുടെ ഹൃദയങ്ങളില്‍ ഇടം പിടിച്ച ജാതിക്കാത്തോട്ടം വീഡിയോ സോങ് എഴുപത് ലക്ഷത്തിലധികം കാഴ്ചക്കാരുമായി യാത്ര തുടരുന്നു. വിനീത് ശ്രീനിവാസന്‍ കേന്ദ്രകഥാപാത്രത്തെ അവതരിപ്പിച്ച തണ്ണീര്‍ മത്തന്‍ ദിനങ്ങള്‍ എന്ന ചിത്രത്തിലേതാണ് ഈ വീഡിയോ സോങ്. ഗാനം റിലീസ് ചെയ്ത് നാല് ആഴ്ചകള്‍ പിന്നിടുമ്പോള്‍ എഴുപത്തിരണ്ട് ലക്ഷത്തിലധികം ആളുകളാണ് ഈ ഗാനം യുട്യൂബില്‍ മാത്രം കണ്ടത്. മെഗാസ്റ്റാര്‍ മമ്മൂട്ടി തന്‍റെ ഫേസ്ബുക്ക് പേജിലൂടെയാണ് വീഡിയോ സോങ് പുറത്തിറക്കിയത്.
അസ്ഥിക്ക് പിടിച്ച് 'ജാതിക്കാത്തോട്ടം'; കാഴ്ചക്കാര്‍ എഴുപത് ലക്ഷത്തിലധികം - ജാതിക്കാത്തോട്ടം
ഗാനം റിലീസ് ചെയ്ത് നാല് ആഴ്ചകള്‍ പിന്നിടുമ്പോള്‍ എഴുപത്തിരണ്ട് ലക്ഷത്തിലധികം ആളുകളാണ് ഈ ഗാനം യുട്യൂബില്‍ മാത്രം കണ്ടത്
അസ്ഥിക്ക് പിടിച്ച് 'ജാതിക്കാത്തോട്ടം'; കാഴ്ചക്കാര്‍ എഴുപത് ലക്ഷത്തിലധികം
കുമ്പളങ്ങി നൈറ്റ്സിലൂടെ പ്രേക്ഷക ഹൃദയം കീഴടക്കിയ മാത്യു തോമസാണ് മറ്റൊരു പ്രധാന കഥാപാത്രത്തെ അവതരിപ്പിച്ചിരിക്കുന്നത്. അള്ള് രാമേന്ദ്രന്‍, പോരാട്ടം എന്നീ ബിലഹരി ചിത്രങ്ങളുടെ തിരക്കഥാകൃത്തുകളില്‍ ഒരാളായ ഗിരീഷ് എ ഡിയാണ് ചിത്രം സംവിധാനം ചെയ്തിരിക്കുന്നത്. ഛായാഗ്രാഹകന്‍ ജോമോന്‍ ടി ജോണ്‍, ഷെബിന്‍ ബക്കര്‍, ഷമീര്‍ മുഹമ്മദ് എന്നിവര്‍ ചേര്‍ന്നാണ് ചിത്രം നിര്‍മിച്ചിരിക്കുന്നത്.