കോൺഗ്രസ് തിരിച്ചുവരണമെന്ന് പറയണമെങ്കിൽ എന്‍റെ സാമാന്യ ബുദ്ധിക്ക് തകരാറുണ്ടാകണം: ഇന്നസെന്‍റ്

കോൺഗ്രസ് തിരിച്ചു വരണമെന്ന് ഞാൻ പറഞ്ഞിട്ടുണ്ടെങ്കിൽ തന്‍റെ സാമാന്യ ബുദ്ധിക്ക് എന്തെങ്കിലും തകരാറുണ്ടാവണമെന്നും തുടർ ഭരണം വേണമെന്ന കേരളത്തിന്‍റെ പൊതുവികാരമാണ് തനിക്കെന്നും ഇന്നസെന്‍റ് വ്യക്തമാക്കി.

കോൺഗ്രസിന്‍റെ തിരിച്ചുവരവ് കാലഘട്ടത്തിന് ആവശ്യമാണെന്ന് താൻ പറഞ്ഞതായുള്ള വാർത്തകൾ നിഷേധിച്ച് നടനും മുൻ എംപിയുമായ ഇന്നസെന്‍റ്. സ്വന്തം കൈയ്യിലിരിപ്പ് കൊണ്ട് ഏതാനും സംസ്ഥാനങ്ങളിലേക്ക് മാത്രം ഒതുങ്ങിപ്പോയ കോൺഗ്രസ് തിരിച്ചുവരണമെന്ന് താൻ പറഞ്ഞിട്ടുണ്ടെങ്കിൽ തന്‍റെ സാമാന്യ ബുദ്ധിക്ക് തകരാറുണ്ടാകണമെന്നും കേരളത്തിൽ ഇടതുപക്ഷ ഗവൺമെന്‍റിന്‍റെ തുടർഭരണം ഉണ്ടാകുമെന്നും ഇന്നസെന്‍റ് വ്യക്തമാക്കി.

• ആറ് പതിറ്റാണ്ടോളം ഇന്ത്യ ഭരിച്ചതിനു ശേഷം സ്വന്തം കൈയ്യിലിരിപ്പു കൊണ്ട് ഏതാനും സംസ്ഥാനങ്ങളിലൊതുങ്ങിയ കോൺഗ്രസ് തിരിച്ചു...

  Posted by Innocent on Wednesday, 10 March 2021

"എന്‍റെ പിതാവിലൂടെ എന്നിലേക്ക് പകർന്നതാണ് എന്‍റെ രാഷ്ട്രീയം. കരുതലിന്‍റെയും വികസനത്തിന്‍റെയും തുടർ ഭരണം ഉണ്ടാവണമെന്ന കേരളത്തിന്‍റെ പൊതുവികാരമാണ് എനിക്കും. അതില്ലാതാക്കാൻ പച്ചക്കള്ളം പ്രചരിപ്പിക്കുന്നത് മാന്യതയേയല്ല."

കോൺഗ്രസിന്‍റെ തിരിച്ചുവരവിനെ കുറിച്ച് പറഞ്ഞെന്ന തരത്തിലുള്ള വ്യജവാർത്തകൾക്കെതിരെ ഫേസ്‌ബുക്കിലൂടെയാണ് താരം പ്രതികരിച്ചത്. പച്ചക്കള്ളം പ്രചരിപ്പിക്കുന്നത് മാന്യതയേയല്ലെന്നും ഇന്നസെന്‍റ് ഫേസ്‌ബുക്ക് പോസ്റ്റിൽ കൂട്ടിച്ചേർത്തു.