യൂറോപ്പിലെ ഏറ്റവും വലിയ ഇന്ത്യൻ ചലച്ചിത്ര മേളയായ ദി ഇന്ത്യൻ ഫിലിം ഫെസ്റ്റിവൽ സ്റ്റട്ട്ഗാർട്ടിന്‍റെ 18-ാം പതിപ്പിൽ വിജയകിരീടം നേടി സംവിധായകൻ ജിയോ ബേബി. ദി ഗ്രേറ്റ് ഇന്ത്യൻ കിച്ചൺ എന്ന സിനിമയ്ക്കാണ് നേട്ടം. ഫീച്ചർ ഫിലിം വിഭാഗത്തിൽ ജർമൻ സ്റ്റാർ ഓഫ് ഇന്ത്യ 2021 എന്ന അവാർഡാണ് ജിയോ ബേബി കരസ്ഥമാക്കിയിരിക്കുന്നത്. ചലച്ചിത്ര നിർമാണത്തിലെ മികച്ച നേട്ടങ്ങൾക്കാണ് ജർമൻ സ്റ്റാർ ഓഫ് ഇന്ത്യ അവാർഡ് നൽകുന്നത്.
തൊണ്ടിമുതലും ദൃക്‌സാക്ഷിയുമെന്ന സൂപ്പര്‍ ഹിറ്റ് ചിത്രത്തിന് ശേഷം സുരാജ് വെഞ്ഞാറമൂടും നിമിഷ സജയനും നായിക നായകന്മാരായി എത്തിയ ചിത്രമായിരുന്നു 'ദി ഗ്രേറ്റ് ഇന്ത്യന്‍ കിച്ചണ്‍:മഹത്തായ ഭാരതീയ അടുക്കള'. ഒടിടി പ്ലാറ്റ്‌ഫോമായ നീസ്ട്രീമിലൂടെ ചിത്രം റിലീസ് ചെയ്തതുമുതൽ വളരെയധികം നിരൂപക പ്രശംസയും പ്രേക്ഷക പ്രശംസയും നേടാൻ ചിത്രത്തിന് കഴിഞ്ഞിരുന്നു.