ദിലീപിന്‍റെ കടുത്ത ആരാധകനായ യുവാവിന്‍റെ കഥ പറയുന്ന ഷിബു തിയേറ്ററുകളിലേക്ക്. പുതുമുഖങ്ങള്‍ക്ക് പ്രധാന്യം നല്‍കുന്ന ചിത്രം സംവിധാനം ചെയ്തിരിക്കുന്നത് സഹോദരങ്ങളായ അര്‍ജ്ജുനും ഗോകുലും ചേര്‍ന്നാണ്. ഇവര്‍ തന്നെയാണ് ചിത്രത്തിന്‍റെ തിരക്കഥയെഴുതിയിരിക്കുന്നത്. 32ാം അദ്ധ്യായം 23-ാം വാക്യം എന്ന സിനിമയ്ക്ക് ശേഷം ഇരുവരും സംവിധാനം ചെയ്യുന്ന സിനിമയാണ് ഷിബു. പ്രണീഷ് വിജയനാണ് ചിത്രത്തിന്‍റെ കഥ രചിച്ചിരിക്കുന്നത്. പുതുമുഖം കാര്‍ത്തിക്ക് രാമകൃഷ്ണനാണ് ടൈറ്റില്‍ കഥാപാത്രമായി എത്തുന്നത്. കവി ഉദ്ദേശിച്ചത്, ഞാന്‍ പ്രകാശന്‍ എന്നീ ചിത്രങ്ങളിലൂടെ ശ്രദ്ധേയായ അഞ്ജുവാണ് നായിക. കാര്‍ഗോ സിനിമാസിന്‍റെ ബാനറിലാണ് ചിത്രം ഒരുങ്ങുന്നത്. 1990 കാലഘട്ടത്തിലെ ദിലീപിന്‍റെ സിനിമകള്‍ കണ്ട് ദിലീപിനോട് ആരാധന തോന്നുകയും അതിന്‍റെ ആവേശത്തില്‍ സിനിമ പഠിക്കാന്‍ പോകുകയും ചെയ്യുന്ന ഷിബു എന്ന യുവാവിന്‍റെ കഥയാണ് ചിത്രത്തിന്‍റെ ഇതിവൃത്തം.
ഒരു ദിലീപ് ആരാധകന്‍റെ കഥയുമായി ഷിബു തിയേറ്ററുകളിലേക്ക്
ചിത്രം ജൂണില്‍ തിയേറ്ററുകളിലെത്തും. പുതുമുഖങ്ങള്‍ക്ക് പ്രധാന്യം നല്‍കിയാണ് ചിത്രം ഒരുക്കിയിരിക്കുന്നത്
ഒരു ദിലീപ് ആരാധകന്‍റെ കഥയുമായി ഷിബു തിയ്യറ്ററുകളിലേക്ക്
ചിത്രത്തിലെ ഗാനങ്ങള്‍ക്ക് സംഗീതമൊരുക്കിയത് സച്ചിന്‍ വാര്യരാണ്. ആനന്ദത്തിന് ശേഷം സച്ചിന്‍ വാര്യര്‍ സംഗീത സംവിധാനം നിര്‍വ്വഹിക്കുന്ന ചിത്രം കൂടിയാണ് ഇത്. ഈ ചിത്രത്തിലൂടെ സച്ചിന്‍ വാര്യരും കാര്‍ത്തിക്കും ആദ്യമായി ഒന്നിക്കുന്നു എന്ന പ്രത്യേകതയുമുണ്ട്.