അസുരന് ശേഷം മഞ്ജു വാര്യര്‍ കേന്ദ്രകഥാപാത്രമാകുന്ന 'പ്രതി പൂവന്‍കോഴി' റിലീസിനൊരുങ്ങുകയാണ്. റോഷന്‍ ആന്‍ഡ്രൂസ് സംവിധാനം ചെയ്ത ചിത്രത്തിന്‍റെ ഫസ്റ്റ്ലുക്ക് പോസ്റ്റര്‍ പുറത്തുവന്നതിന് പിന്നാലെ ആദ്യ വീഡിയോ ഗാനവും അണിയറപ്രവര്‍ത്തകര്‍ പുറത്തുവിട്ടു. നടന്‍ നിവിന്‍ പോളിയുടെ ഫേസ്ബുക്ക് പേജിലൂടെയാണ് ഗാനം റിലീസ് ചെയ്തത്. കഴിഞ്ഞ ദിവസം റിലീസ് ചെയ്ത ഫസ്റ്റ്ലുക്ക് വലിയ പ്രതീക്ഷയാണ് സിനിമാപ്രേമികള്‍ക്ക് നല്‍കുന്നത്. കലിപ്പ് ലുക്കില്‍ പൂവന്‍കോഴികള്‍ക്കിടയില്‍ മഞ്ജു നില്‍ക്കുന്ന തരത്തിലായിരുന്നു ഫസ്റ്റ്ലുക്ക്. ചിത്രത്തില്‍ ഒരു സെയില്‍സ് ഗേളിന്‍റെ വേഷമാണ് മഞ്ജുവിന്.
സൈക്കിളില്‍ നാടുചുറ്റി മഞ്ജുവും അലന്‍സിയറും; 'പ്രതി പൂവന്‍കോഴി'യിലെ ആദ്യഗാനമെത്തി
നടന്‍ നിവിന്‍ പോളിയുടെ ഫേസ്ബുക്ക് പേജിലൂടെയാണ് ഗാനം റിലീസ് ചെയ്തത്. മഞ്ജുവാര്യരും അലന്‍സിയറുമാണ് ഗാനത്തിലുള്ളത്
സൈക്കിളില്‍ നാടുചുറ്റി മഞ്ജുവും അലന്‍സിയറും; പ്രതി പൂവന്‍കോഴിയിലെ ആദ്യ ഗാനമെത്തി
'എനിന്ന എനിതെന്ന' എന്ന് തുടങ്ങുന്ന ഗാനം പാടിയിരിക്കുന്നത് പി.ജയചന്ദ്രനും അഭയ ഹിരണ്‍മയിയും ചേര്‍ന്നാണ്. അനില്‍ പനച്ചൂരാന്‍റെ വരികള്‍ക്ക് ഗോപി സുന്ദര്‍ സംഗീതം നല്‍കിയിരിക്കുന്നു. മഞ്ജുവാര്യരും അലന്‍സിയറുമാണ് ഗാനത്തില്‍ നിറഞ്ഞ് നില്‍ക്കുന്നത്. ഗ്രാമീണ പശ്ചാത്തലത്തില്‍ ഒരുക്കിയിരിക്കുന്ന പാട്ടിന്‍റെ ഈണം ഹൃദ്യമാണ്. കായംകുളം കൊച്ചുണ്ണിക്ക് ശേഷം റോഷന്‍ ആന്‍ഡ്രൂസ് സംവിധാനം ചെയ്യുന്ന ചിത്രമാണ് പ്രതി പൂവന്‍കോഴി. അനുശ്രീയും ചിത്രത്തില്‍ മറ്റൊരു പ്രധാന കഥാപാത്രത്തെ അവതരിപ്പിക്കുന്നുണ്ട്. ഉണ്ണി.ആര്‍ ആണ് തിരക്കഥയൊരുക്കിയിരിക്കുന്നത്.