ഗായകനും പ്രശസ്ത ഡബ്ബിങ് ആർട്ടിസ്റ്റുമായ ഘണ്ഡശാല രത്നകുമാർ അന്തരിച്ചു. 83 വയസായിരുന്നു. ഹൃദയാഘാതത്തെ തുടർന്ന് ഇന്ന് രാവിലെ ചെന്നൈയിലെ സ്വകാര്യ ആശുപത്രിയിൽ വച്ചായിരുന്നു അന്ത്യം. അടുത്തിടെ കൊവിഡ് സ്ഥിരീകരിച്ചെങ്കിലും കുറച്ച് ദിവസങ്ങൾക്ക് മുമ്പ് അദ്ദേഹത്തിന് രോഗം ഭേദമായിരുന്നു.
പ്രമുഖ തെന്നിന്ത്യൻ സംഗീതജ്ഞനും പിന്നണി ഗായകനുമായ ഘണ്ഡശാല വെങ്കടേശ്വരറാവുവിന്റെ മകനാണ്. കഴിഞ്ഞ നാല് ദശകങ്ങളായി തമിഴ്, തെലുങ്ക്, മലയാളം, ഹിന്ദി ഭാഷകളിലെ 1,500ലധികം ചിത്രങ്ങളിൽ ഡബ്ബിങ് ആർട്ടിസ്റ്റായി പ്രവർത്തിച്ചുവരികയായിരുന്നു.