ചിരിപ്പൂരം ഒരുക്കാന്‍ ദിലീപ്-റാഫി കൂട്ടുകെട്ട് വീണ്ടും എത്തുന്നു
'എന്‍റര്‍ ദി ഡ്രാഗണ്‍' എന്നാണ് ചിത്രത്തിന്‍റെ പേര്. അവസാനമായി ഇരുവരും ഒരുമിച്ചെത്തിയ ചിത്രം ഷാഫി സംവിധാനം ചെയ്ത ടു കണ്‍ട്രീസാണ്
ചിരിപ്പൂരം ഒരുക്കാന്‍ ദിലീപ്-റാഫി കൂട്ടുകെട്ട് വീണ്ടും എത്തുന്നു
മലയാളത്തിന്‍റെ എവര്‍ഗ്രീന്‍ കോമഡി എന്‍റര്‍ടെയ്നര്‍ ചിത്രങ്ങളില്‍ മിക്കവയും ദിലീപ്-റാഫി കൂട്ടുകെട്ടില്‍ പിറന്നവയാണ്. എത്രകണ്ടാലും മതിവരാത്ത നര്‍മരംഗങ്ങള്‍ ഈ കൂട്ടുകെട്ടിന്‍റെ മാജിക്കാണെന്ന് പറയാതെവയ്യ. ഒരിടവേളയ്ക്ക് ശേഷം ആ ഹിറ്റ് കൂട്ടുകെട്ട് വീണ്ടും എത്തുകയാണ്. 'എന്‍റര്‍ ദി ഡ്രാഗണ്‍' എന്നാണ് ചിത്രത്തിന്‍റെ പേര്. അവസാനമായി ഇരുവരും ഒരുമിച്ചെത്തിയ ചിത്രം ഷാഫി സംവിധാനം ചെയ്ത ടു കണ്‍ട്രീസാണ്. റാഫിയുടെ തിരക്കഥയില്‍ ഒരുങ്ങുന്ന സിനിമ സംവിധാനം ചെയ്യുന്നത് നവാഗതനായ സജി കുമാറാണ്. ബിഗ് ബഡ്ജറ്റില്‍ ഒരുങ്ങുന്ന ചിത്രം ഒരു ആക്ഷന്‍ കോമഡിയായിരിക്കുമെന്നാണ് റിപ്പോര്‍ട്ട്. മിനിസ്റ്റുഡിയോയുടെ ബാനറില്‍ വിനോദ് കുമാറാണ് ചിത്രത്തിന്‍റെ നിര്‍മാണം. അടുത്തവര്‍ഷം ഓണം റിലീസായി ചിത്രം തീയേറ്ററുകളിലെത്തും. ചൈനയാണ് ചിത്രത്തിന്‍റെ പ്രധാന ലൊക്കേഷന്‍.