മലയാളത്തിന്‍റെ പ്രിയനടൻ ജോജു ജോർജ്ജ് തമിഴിൽ അരങ്ങേറ്റം കുറിക്കുന്ന ചിത്രമാണ് ജഗമേ തന്തിരം. ദി ക്രോണിക്കിൾസ് ഓഫ് നർനിയ, ട്രോയ് ഉൾപ്പെടെയുള്ള ചിത്രങ്ങളിൽ ശ്രദ്ധേയ വേഷം ചെയ്ത സ്കോട്ടിഷ് നടൻ ജെയിംസ് കോസ്മോയും ചിത്രത്തിൽ നിർണായക വേഷം ചെയ്യുന്നു.
ധനുഷ്, ഐശ്വര്യ ലക്ഷ്മി എന്നിവരെ ജോഡിയാക്കി കാർത്തിക് സുബ്ബരാജ് സംവിധാനം ചെയ്ത ചിത്രത്തിലെ പുതിയ പോസ്റ്റർ പുറത്തിറങ്ങി. പുതിയതായി റിലീസ് ചെയ്ത പോസ്റ്ററിൽ ധനുഷിനെയും ജോജു ജോർജ്ജിനെയും ജെയിംസ് കോസ്മോയെയുമാണ് കാണിച്ചിട്ടുള്ളത്. ഒപ്പം, സിനിമയുടെ ട്രെയിലർ അടുത്ത മാസം ഒന്നിന് പുറത്തുവിടുമെന്നും സംവിധായകൻ അറിയിച്ചു.
സുരുളി, പ്രഭു എന്നീ ഇരട്ടകഥാപാത്രങ്ങളെയാണ് ധനുഷ് ചിത്രത്തിൽ അവതരിപ്പിക്കുന്നത്. സഞ്ജന നടരാജൻ, കലൈയരസൻ എന്നിവരാണ് മറ്റ് പ്രധാന താരങ്ങൾ.
More Read: കാർത്തിക് സുബ്ബരാജിന്‍റെ ധനുഷ് ചിത്രം ജഗമേ തന്തിരം നെറ്റ്ഫ്ലിക്സിന് ; റിലീസ് പ്രഖ്യാപിച്ചു
മലയാളി താരം ഐശ്വര്യ ലക്ഷ്മി വിശാലിന്‍റെ നായികയായി ആക്ഷൻ എന്ന ചിത്രത്തിലൂടെയാണ് തമിഴിൽ തുടക്കം കുറിച്ചത്. തമിഴിലെ പ്രശസ്ത സംഗീത സംവിധായകൻ സന്തോഷ് നാരായണൻ ജഗമേ തന്തിരത്തിലെ ഗാനങ്ങൾ ചിട്ടപ്പെടുത്തിയിരിക്കുന്നു. റിലയന്‍സ് എന്‍റര്‍ടെയ്‌ന്‍മെന്‍റും വൈ നോട്ട് സ്റ്റുഡിയോസും ചേര്‍ന്ന് നിർമിച്ച ചിത്രം നെറ്റ്‌ഫ്ലിക്സിലൂടെ ജൂൺ 18ന് റിലീസ് ചെയ്യുമെന്നാണ് അണിയറപ്രവർത്തകർ അറിയിച്ചിട്ടുള്ളത്.
