നടന്‍ മോഹന്‍ലാലിന്‍റെ ആദ്യ സംവിധാന സംരംഭം ബറോസിന്‍റെ സെറ്റുകളുടെ നിര്‍മാണം കൊച്ചിയില്‍ ആരംഭിച്ചു. ഇതിന്‍റെ പൂജ ചിത്രങ്ങള്‍ നിര്‍മാതാവ് ആന്‍റണി പെരുമ്പാവൂര്‍ ആശിര്‍വാദ് സിനിമാസിന്‍റെ സോഷ്യല്‍മീഡിയ പേജുവഴി പുറത്തുവിട്ടു. മോഹന്‍ലാല്‍ ആദ്യമായി സംവിധായക വേഷമണിയുന്ന ചിത്രം എന്ന നിലയില്‍ പ്രഖ്യാപനം മുതല്‍ 'ബറോസ്′ ശ്രദ്ധയാകര്‍ഷിച്ചിരുന്നു. ബിഗ് ബജറ്റ് ത്രീഡി ഫാന്‍റസിയായി എടുക്കുന്ന ഈ ചിത്രത്തില്‍ സ്പെയിന്‍, പോര്‍ചുഗല്‍, ഘാന, അമേരിക്ക എന്നിവിടങ്ങളില്‍ നിന്നുള്ള അന്തര്‍ദേശീയ അഭിനേതാക്കള്‍ വേഷമിടുന്നു. മോഹന്‍ലാല്‍ തന്നെയാണ് സിനിമയില്‍ പ്രധാനകഥാപാത്രമായ ബറോസ് എന്ന ഭൂതത്തെ അവതരിപ്പിക്കുന്നത്. സന്തോഷ് ശിവനാണ് ഛായാഗ്രാഹകന്‍.
-
Barroz- Guardian of D Gamas Treasure Set Work In Cochin Started Today ✨ Rolling Soon 🔜 #Mohanlal #JijoNavodaya #AntonyPerumbavoor #AashirvadCinemas
Posted by Aashirvad Cinemas on Sunday, February 21, 2021