കൊവിഡ് ഒന്നാം തരംഗത്തിന് ശേഷം തിയേറ്ററുകളിലേക്ക് പ്രേക്ഷകരെ എത്തിച്ചതിൽ നിർണായകചിത്രമായിരുന്നു ധനുഷ്- വെട്രിമാരൻ കൂട്ടുകെട്ടിൽ പുറത്തിറങ്ങിയ അസുരൻ. 2020 ഒക്ടോബറിലായിരുന്നു ചിത്രത്തിന്‍റെ റിലീസ്.
More Read: അസുരന്‍റെ തെലുങ്ക് റീമേക്ക് 'നരപ്പ' ഒടിടി റിലീസിന്
പ്രമേയത്തിലും അവതരണത്തിലും നിരൂപകപ്രശംസ നേടിയ തമിഴ് ചിത്രത്തിന്‍റെ തെലുങ്ക് റീമേക്കിൽ വെങ്കടേഷാണ് നായകനാകുന്നത്. നരപ്പ എന്ന തെലുങ്ക് പതിപ്പിൽ ശിവസ്വാമിയുടെ വേഷത്തിനായുള്ള താരത്തിന്‍റെ മേക്കോവറും പ്രശംസ പിടിച്ചുപറ്റിയിരുന്നു. സിനിമ ഒടിടി റിലീസായിരിക്കുമെന്ന് നേരത്തെ സൂചനയുണ്ടായിരുന്നെങ്കിലും നിർമാതാക്കളുടെ ഭാഗത്ത് നിന്ന് സ്ഥിരീകരണം ഉണ്ടായിരുന്നില്ല. ഇപ്പോഴിതാ, നരപ്പ ഒടിടി പ്ലാറ്റ്‌ഫോമിലൂടെ പ്രദർശനത്തിനെത്തുമെന്ന് അറിയിച്ചിരിക്കുകയാണ് നടൻ വെങ്കടേഷ്.