സഹ സംവിധായികയായി മലയാളസിനിമയിൽ ശ്രദ്ധേയയായ ഐഷ സുല്‍ത്താന സ്വതന്ത്രമായി സംവിധാനം ചെയ്യുന്ന ആദ്യചിത്രമാണ് 'ഫ്ലഷ്'. ഐഷ സുൽത്താന തന്നെ തിരക്കഥയെഴുതി ഒരുക്കിയിരിക്കുന്ന ചിത്രത്തിന്‍റെ ഫസ്റ്റ് ലുക്ക് പോസ്റ്റർ പുറത്തുവിട്ടു.
സംവിധായകൻ അരുൺ ഗോപിയാണ് തന്‍റെ ഫേസ്ബുക്ക് പേജിലൂടെ ഫസ്റ്റ് ലുക്ക് റിലീസ് ചെയ്‌തത്. ലക്ഷദ്വീപിന്‍റെ പശ്ചാത്തലത്തിൽ സ്‍ത്രീ കേന്ദ്രീകൃതമായ കഥയാണ് ഫ്ലഷിൽ അവതരിപ്പിച്ചിരിക്കുന്നതെന്നാണ് സൂചന.
'കടലിന്‍റെ ആഴങ്ങൾ തേടിയൊരു പെണ്ണുടൽ, ഐഷ സുൽത്താനയുടെ പുതിയ സിനിമയായ ഫ്ലഷിന്‍റെ ഫസ്റ്റ് ലുക്ക് പോസ്റ്റർ ഞാൻ സന്തോഷത്തോടെ റിലീസ് ചെയ്യുന്നു,' അരുൺ ഗോപി ഫേസ്‌ബുക്കിൽ കുറിച്ചു.