നിമിഷ സജയൻ, ലെന, ആദിൽ ഹുസൈൻ: 'ഫൂട്ട് പ്രിന്‍റ്‌സ് ഓൺ വാട്ടർ' വരുന്നു
മോഹൻ നാടാർ നിര്‍മിക്കുന്ന ഫൂട്ട് പ്രിന്‍റ്‌സ് ഓൺ വാട്ടർ നഥാലിയ ശ്യാമാണ് സംവിധാനം ചെയ്യുന്നത്
നിമിഷ സജയൻ, ലെന, ആദിൽ ഹുസൈൻ: 'ഫൂട്ട് പ്രിന്‍റ്‌സ് ഓൺ വാട്ടർ' വരുന്നു
ഇന്ത്യൻ ഇംഗ്ലീഷ് ചിത്രമായി ഒരുക്കുന്ന ഫൂട്ട് പ്രിന്‍റ്‌സ് ഓണ്‍ വാട്ടറില്‍ അഭിനയിക്കുന്നത് വലിയ താരനിര. നിമിഷ സജയന്‍, ലെന, ആദില്‍ ഹുസൈന്‍, ബ്രിട്ടീഷ് താരം അന്‍റോണിയോ അകീല്‍ എന്നിവരാണ് പ്രധാന കഥാപാത്രങ്ങള്‍ക്ക് ജീവന്‍ നല്‍കുക. സിനിമ നഥാലിയ ശ്യാമാണ് സംവിധാനം ചെയ്യുന്നത്. നഥാലിയയുടെ സഹോദരി നീത ശ്യാമിന്‍റെതാണ് തിരക്കഥ. ഛായാഗ്രഹണം അഴകപ്പൻ. നിർമാണം മോഹൻ നാടാർ. വൺ, തുറമുഖം, മാലിക്, ജിന്ന് എന്നിങ്ങനെ ഒരുപിടി ചിത്രങ്ങളാണ് നിമിഷയുടെതായി അണിയറയില്‍ ഒരുങ്ങുന്നത്. സ്റ്റാന്‍ഡ് അപ് ആണ് അവസാനം പുറത്തിറങ്ങിയ ചിത്രം. സാജന്‍ ബേക്കറി അടക്കം നിരവധി ചിത്രങ്ങള്‍ ലെനയുടെതായും അണിയറയില്‍ ഒരുങ്ങുന്നുണ്ട്.