മമ്മൂട്ടി പ്രധാനവേഷത്തില്‍ എത്തുന്ന ചിത്രത്തില്‍ നിമിഷ സജയന്‍ നായിക. ബോബി- സഞ്ജയിന്‍റെ രചനയില്‍ സന്തോഷ് വിശ്വനാഥ് സംവിധാനം ചെയ്യുന്ന വണ്ണിലാണ് ഒരു സുപ്രധാന കഥാപാത്രത്തെ നിമിഷ സജയന്‍ അവതരിപ്പിക്കുന്നത്. നേരത്തെ സംയുക്താ മേനോന് വേണ്ടി മാറ്റിവെച്ചിരുന്ന കഥാപാത്രമായിരുന്നു ഇത്. എന്നാല്‍ ജയസൂര്യ നായകനായി എത്തുന്ന 'വെള്ള'ത്തില്‍ അഭിനയിക്കാനുള്ളതിനാലാണ് സംയുക്ത മമ്മൂട്ടി ചിത്രത്തില്‍ നിന്ന് പിന്മാറിയത്.
സംയുക്ത മേനോന് പുറത്ത്, മമ്മൂട്ടി ചിത്രത്തില്‍ നിമിഷ സജയന്‍ നായിക
മമ്മൂട്ടി മുഖ്യമന്ത്രിയായി എത്തുന്ന പൊളിറ്റിക്കല്‍ ത്രില്ലറില്‍ ഗായത്രി അരുണാണ് മറ്റൊരു നായിക.
Nimisha Sajayan
മമ്മൂട്ടി മുഖ്യമന്ത്രിയായി എത്തുന്ന പൊളിറ്റിക്കല്‍ ത്രില്ലറില്‍ ഗായത്രി അരുണാണ് മറ്റൊരു നായിക. ജോജു ജോര്‍ജ്, മുരളി ഗോപി, മാത്യു തോമസ്, സുരേഷ് കൃഷ്ണ, സലിംകുമാര്‍, ഇഷാനി കൃഷ്ണ തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ഇച്ചായിസ് പ്രൊഡക്ഷന്‍സാണ് ചിത്രം നിര്‍മ്മിക്കുന്നത്. ചിത്രീകരണം എറണാകുളത്ത് പുരോഗമിക്കുകയാണ്.
ലാല്‍ജോസ് സംവിധാനം ചെയ്യുന്ന ബിജുമേനോന്‍ ചിത്രമായ 'നാല്പത്തിയൊന്ന്' ആണ് നിമിഷയുടെ അടുത്ത റിലീസ്. ഫഹദ് ഫാസിലിനെ നായകനാക്കി മഹേഷ് നാരായണന്‍ സംവിധാനം ചെയ്യുന്ന മാലിക്കാണ് നിമിഷ ഇപ്പോള്‍ അഭിനയിച്ച് കൊണ്ടിരിക്കുന്ന ചിത്രം. വിധു വിന്‍സന്‍റിന്‍റെ സ്റ്റാന്‍ഡ് അപ്പ്, സനല്‍കുമാര്‍ ശശിധരന്‍റെ ചോല എന്നീ ചിത്രങ്ങളാണ് നിമിഷയുടേതായി റിലീസിന് ഒരുങ്ങിക്കൊണ്ടിരിക്കുന്നത്.