ഹൈദരാബാദ്: കൊവിഡ് പശ്ചാത്തലത്തില്‍ എസ്.എസ് രാജമൗലി ചിത്രം 'രൗദ്രം രണം രുധിരം' അഥവാ ആര്‍ആര്‍ആറിന്‍റെ റിലീസ് നീട്ടിയതോടെ പ്രഭാസിന്‍റെ ബിഗ് ബജറ്റ് ചിത്രം രാധേ ശ്യാമിന്‍റെ റിലീസിങ്ങും നീട്ടിയേക്കുമെന്ന തരത്തില്‍ വാര്‍ത്തകള്‍ പുറത്തു വന്നിരുന്നു.
ചിത്രത്തിനായി ആകാംഷയോടെ കാത്തിരുന്ന ആരാധകര്‍ക്ക് കനത്ത നിരാശ നല്‍കുന്നതായിരുന്നു സ്ഥിരീകരിക്കാത്ത ഇത്തരം വാര്‍ത്തകള്‍. ഇപ്പോള്‍ ഇക്കാര്യത്തില്‍ വ്യക്തത വരുത്തി അണിയറ പ്രവര്‍ത്തകര്‍ രംഗത്തെത്തിയിട്ടുണ്ട്.
ചിത്രത്തിന്‍റെ റിലീസ് തീയതിയിൽ മാറ്റമില്ലെന്ന് നിർമ്മാതാക്കൾ അറിയിച്ചു. "രാധേ ശ്യാമിന്‍റെ റിലീസ് പ്ലാനുകളിൽ മാറ്റമൊന്നുമില്ല. പ്രഭാസ് നായകനായ ചിത്രം ജനുവരി 14ന് തിയേറ്ററുകളിലെത്താൻ ഒരുങ്ങുകയാണ്. കിംവദന്തികൾ വിശ്വസിക്കരുത്" നിര്‍മ്മാതാക്കളായ യുവി ക്രിയേഷൻസ് ഔദ്യോഗിക പ്രസ്താവനയില്‍ പറഞ്ഞു.