നടനും തിരക്കഥാകൃത്തുമായ ശങ്കർ രാമകൃഷ്ണൻ ആദ്യമായി സംവിധാനം ചെയ്യുന്ന ചിത്രമാണ് 'പതിനെട്ടാം പടി'. ചിത്രത്തില്‍ അതിഥി വേഷത്തില്‍ മെഗാസ്റ്റാർ മമ്മൂട്ടിയും എത്തുന്നുണ്ട്. ചിത്രത്തിലെ താരത്തിന്‍റെ ലുക്കാണ് ഇപ്പോൾ സമൂഹ മാധ്യമങ്ങളില്‍ വൈറലാകുന്നത്.
'ഏജ് ഇൻ റിവേഴ്സ് ഗിയർ'; തരംഗമായി മമ്മൂട്ടിയുടെ മാസ് ലുക്ക്
തന്‍റെ ഔദ്യോഗിക ഫെയ്സ്ബുക്ക് പേജിലൂടെ മമ്മൂട്ടി പങ്കുവച്ച വ്യത്യസ്ത ഗെറ്റപ്പിലുള്ള ചിത്രം വൈറലായി മാറിയിരിക്കുകയാണ്.
'ഏജ് ഇൻ റിവേഴ്സ് ഗിയർ'; തരംഗമായി മമ്മൂട്ടിയുടെ മാസ് ലുക്ക്
മുടി നീട്ടി വളർത്തി അതിരപ്പള്ളി വെള്ളച്ചാട്ടത്തിന്‍റെ പശ്ചാത്തലത്തില്‍ മാസ് ലുക്കിലാണ് മമ്മൂട്ടിനില്‍ക്കുന്നത്. താരത്തിന്‍റെ പുതിയ ഗെറ്റപ്പ് ആരാധകരും ട്രോളന്മാരും ഏറ്റെടുത്തിരിക്കുകയാണ്. ''ഈ മനുഷ്യന് പ്രായം കൂടും തോറും സൗന്ദര്യം കൂടുകയാണല്ലോ... പറഞ്ഞ് മടുത്ത വാചകം വീണ്ടും വീണ്ടും പറയിപ്പിക്കല്ലേ ഇക്ക..'', ചിത്രത്തിന് താഴെ വന്ന് നിറയുന്ന അനേകം കമന്‍റുകളിലൊന്നാണിത്. ''ഈ ഗെറ്റപ്പ് ചേഞ്ചസൊക്കെ നിങ്ങൾക്ക് മാത്രം പറഞ്ഞിട്ടുള്ളതാണോ...ഇതൊക്കെ കാണുമ്പോഴാണ് ചില പ്രമുഖൻമാരെയൊക്കെ എടുത്ത് കിണറ്റിലിടാൻ തോന്നുന്നത്'', എന്നാണ് വേറൊരു ആരാധകന്‍റെ കമന്‍റ്.
ജോൺ എബ്രഹാം പാലക്കല്‍ എന്നകഥാപാത്രമായാണ് മമ്മൂട്ടി ചിത്രത്തില്‍ എത്തുന്നത്.ആഗസ്റ്റ് സിനിമാസ് നിർമ്മിക്കുന്ന, ആക്ഷന് പ്രാധാന്യമുള്ള ചിത്രത്തില്‍ പ്രാധാന്യമുള്ള ഗസ്റ്റ് റോളാണ്മമ്മൂട്ടിക്ക്.