ഏറ്റവും പുതിയ ചിത്രമായ മാരന്റെ പ്രൊമോഷനിടെ സാമന്തയെ പ്രശംസിച്ച് മാളവിക മോഹനൻ. അഭിനേതാവെന്ന നിലയിൽ ആരാണ് പ്രചോദനമാകുന്നതെന്ന ചോദ്യത്തിനുള്ള മറുപടിയിലാണ് മാളവിക സാമന്തയെ പ്രശംസിച്ചത്. സാമന്തയുടെ ചിത്രങ്ങളാണ് തനിക്ക് പ്രചോദനമാകുന്നതെന്ന് മാളവിക പറഞ്ഞു.
"സാമന്തയുടെ ധീരമായ കരിയർ തെരഞ്ഞെടുപ്പുകളാണ് മറ്റുള്ളവരിൽ നിന്നും അവരെ വ്യത്യസ്തയാക്കുന്നത്. വ്യത്യസ്ത റോളുകൾ ചെയ്യുന്നതിന് സാമന്ത ഒരിക്കലും വിമുഖത കാണിച്ചിട്ടില്ല. ഒരുപാട് റിസ്ക് എടുത്താണ് സാമന്ത ഓരോ റോളുകളും തെരഞ്ഞെടുക്കുന്നത്. ഫാമിലി മാൻ 2 എന്ന സീരീസിന്റെ പ്രാധാന്യം അറിയാവുന്നതുകൊണ്ടുതന്നെ അവർ അതിലെ റോൾ തെരഞ്ഞെടുത്തു. അത് സാമന്തയെ ബോളിവുഡിൽ എത്തിച്ചു" - മാളവിക പറയുന്നു.