മമ്മൂട്ടിയെ നായകനാക്കി വൈശാഖ് ഒരുക്കുന്ന 'മധുരരാജ'യുടെ മോഷൻ പോസ്റ്റർ പുറത്തിറങ്ങി. 2010ല്‍ പുറത്തിറങ്ങിയ പോക്കിരിരാജയുടെ രണ്ടാം ഭാഗമാണ് 'മധുരരാജ'. ചിത്രത്തില്‍ തമിഴ് നടൻ ജൈയും ഒരു പ്രധാന വേഷത്തില്‍ എത്തുന്നുണ്ട്.
പുലിമുരുകന് ശേഷം വൈശാഖ്-ഉദയകൃഷ്ണ-പീറ്റർ ഹെയ്ൻ ടീം ഒന്നിക്കുന്ന ചിത്രമാണ് മധുരരാജ. ബോളിവുഡ് താരം സണ്ണി ലിയോൺ ഐറ്റം ഡാൻസുമായി ചിത്രത്തില്‍ എത്തുന്നുണ്ട്. വില്ലനായി എത്തുന്നത് ജഗപതി ബാബുവാണ്. വിഷുവിന് മുന്നോടിയായി ഏപ്രില്‍ 10ന് ചിത്രം തീയറ്ററുകളിലെത്തും. ഡ്യൂപ്പില്ലാതെയാണ് മമ്മൂട്ടി സംഘട്ടന രംഗങ്ങളില്‍ അഭിനയിക്കുന്നതെന്ന പ്രത്യേകതയും മധുരരാജയ്ക്കുണ്ട്.