ചെന്നൈ:രാജ്‍കമല്‍ ഫിലിംസിന്‍റെ അടുത്ത ചിത്രം പ്രഖ്യാപിച്ച് കമല്‍ ഹാസന്‍. നിർമാണ കമ്പനിയുടെ ട്വിറ്റര്‍ പേജിലൂടെയാണ് കമൽ ഇക്കാര്യം അറിയിച്ചത്. രാജ്കുമാർ പെരിയസാമിയാണ് ചിത്രത്തിന്‍റെ രചനയും സംവിധാനവും. രാജ്‌കമൽ ഫിലിംസിന്‍റെ 51ാമത് ചിത്രമാണിത്.
സോണി പിക്ച്ചേഴ്‌സാണ് ചിത്രത്തിന്‍റെ സഹ നിർമ്മാതക്കള്‍. ആദ്യമായാണ് ഒരു തമിഴ് ചിത്രത്തിൽ സോണി പിക്‌ച്ചേഴ്സ് നിർമാണത്തിൽ പങ്കാളിയാവുന്നത്. ചിത്രം പ്രേക്ഷകർക്ക് പുതിയൊരനുഭവമായിരുക്കുമെന്ന് കമൽഹാസൻ പറഞ്ഞു.
ചിത്രം പ്രേക്ഷകരെ പല തരത്തിൽ ചിന്തിപ്പിക്കും. സോണി പിക്ച്ചേഴ്‌സുമായി സഹകരിക്കാൻ കിട്ടിയ അവസരത്തിൽ അഭിമാനിക്കുന്നതായും കമൽഹാസൻ പറഞ്ഞു.
അതേസമയം കരിയറിലെ നിർണായകമായ ഒരു വഴിത്തിരിവായിരിക്കും ചിത്രമെന്ന് മുഖ്യകഥാപാത്രത്തെ അവതരിപ്പിക്കുന്ന ശിവകാർത്തികേയൻ പറഞ്ഞു. തനിക്ക് വളരെയധികം പ്രാധാന്യമുള്ള ഒരു പ്രോജക്‌ടാണ് പുതിയ ചിത്രമെന്ന് സംവിധായകൻ രാജ്കുമാർ പെരിയസാമിയും പ്രതികരിച്ചു.
ALSO READ സ്വപ്‌നനേട്ടത്തിൽ പ്രിയങ്ക; വാനിറ്റി ഫെയറിന്‍റെ കവർഷൂട്ട് ചിത്രങ്ങൾ