തിരുവനന്തപുരം: കേന്ദ്ര സർക്കാർ കലാകാരന്മാരെയും സൃഷ്ടികളെയും ഭീഷണിപ്പെടുത്തുന്ന കാലത്ത് കേരള സർക്കാരിന്‍റെയും ഹൈക്കോടതിയുടെയും ഇടപെടൽ പ്രതീക്ഷ നൽകുന്നുവെന്ന് നടി സാറ ഹാഷ്മി. ഹിന്ദുത്വ ഭീകരവാദം ചർച്ച ചെയ്യുന്ന ആനന്ദ് പട്‌വർദ്ധന്‍റെ വിവേക്(റീസൺ) എന്ന ഡോക്യുമെന്‍ററിക്ക് ഐഡിഎസ്എഫ്എഫ്കെയില്‍ പ്രദർശനാനുമതി നിഷേധിച്ച കേന്ദ്ര സർക്കാർ നടപടി ദൗർഭാഗ്യകരമാണെന്ന് സാറ പറഞ്ഞു. കേന്ദ്ര സർക്കാർ ഏർപ്പെടുത്തിയ വിലക്ക് ഹൈക്കോടതി ഉത്തരവിലൂടെ മറികടന്നാണ് മേളയില്‍ ചിത്രം പ്രദർശിപ്പിച്ചത്. ഹൈക്കോടതി നിർദ്ദേശപ്രകാരം പൊലീസ് സുരക്ഷയും ചിത്രത്തിന്‍റെ പ്രദർശനത്തിനോടനുബന്ധിച്ച് ഏർപ്പെടുത്തിയിരുന്നു.
കേന്ദ്ര സർക്കാരിനെതിരെ ആഞ്ഞടിച്ച് നടി സാറ ഹാഷ്മി