നടനായും ഡാന്‍സറായും ഫൈറ്ററായും ആരാധക ഹൃദയങ്ങള്‍ കീഴടക്കിയ ബോളിവുഡ് യുവനടന്‍ ടൈഗര്‍ ഷ്റോഫ് നല്ലൊരു ഗായകന്‍ കൂടിയാണ്. അണ്‍ബിലീവബിള്‍ എന്ന ഗാനത്തിലൂടെ അദ്ദേഹത്തിന്‍റെ ആരാധകരും സിനിമാപ്രേമികളും അത് തിരിച്ചറിഞ്ഞതുമാണ്. ഇപ്പോള്‍ പുതിയ ഒരു സംഗീത ആല്‍ബം അദ്ദേഹത്തിന്‍റെ സ്വന്തം യുട്യൂബ് ചനലിലൂടെ പുറത്തിറങ്ങിയിരിക്കുകയാണ്. ടൈഗര്‍ ഷ്റോഫ് തന്നെയാണ് ആല്‍ബത്തില്‍ പാടി അഭിനയിച്ചിരിക്കുന്നത്. കാസിനോവ എന്നാണ് ആല്‍ബത്തിന്‍റെ പേര്.
ടൈഗര്‍ ഷ്റോഫിന്‍റെ ആല്‍ബം കാസിനോവ പുറത്തിറങ്ങി
ഷ്റോഫ് തന്നെയാണ് ആല്‍ബം നിര്‍മിച്ചിരിക്കുന്നതും. പുനീത് മല്‍ഹോത്രയാണ് സംവിധാനം
ആല്‍ബം കാസിനോവ
നേരത്തെ ആല്‍ബത്തിന്‍റെ ടീസര്‍ പുറത്തിറങ്ങിയപ്പോള്‍ ആരാധകര്‍ സ്വീകരിച്ചിരുന്നു. 'താന്‍ ഏറെ സന്തോഷത്തോടും ആകാംഷയോടും കൂടിയാണ് നിങ്ങള്‍ക്ക് മുന്നില്‍ ഈ ആല്‍ബം പുറത്തിറക്കുന്നത്. നിങ്ങള്‍ ഇത് ആസ്വദിക്കുമെന്ന് പ്രതീക്ഷിക്കുന്നു' ടൈഗര്‍ ഷ്റോഫ് ഇന്‍സ്റ്റഗ്രാമില്‍ കുറിച്ചു. ഷ്റോഫിന്‍റെ അസാധ്യമായി നൃത്തം ചെയ്യാനുള്ള കഴിവും വീഡിയോയില്‍ നിറഞ്ഞ് നില്‍ക്കുന്നുണ്ട്. ഷ്റോഫ് തന്നെയാണ് ആല്‍ബം നിര്‍മിച്ചിരിക്കുന്നതും. പുനീത് മല്‍ഹോത്രയാണ് സംവിധാനം. അവിതേഷാണ് ഗാനത്തിന് സംഗീതം പകര്‍ന്നിരിക്കുന്നത്. ഭാഗി 4, ഹീറോപണ്‍ടി 2, ഗണപത് എന്നീ ചിത്രങ്ങളാണ് അണിയറയില്‍ ഒരുങ്ങുന്ന ടൈഗര്‍ ഷ്റോഫ് ചിത്രങ്ങള്‍.