Shriya Saran shares heartfelt note for husband: ശ്രിയ ശരണും ഭര്‍ത്താവ്‌ ആന്‍ഡ്രി കോഷീവും തങ്ങളുടെ നാലാം വിവാഹ വാര്‍ഷിക ദിനം ആഘോഷിക്കുകയാണ്. ഈ വിശേഷ ദിനത്തില്‍ റഷ്യക്കാരനായ ഭര്‍ത്താവിനും മകള്‍ രാധയ്ക്കും ഒപ്പമുള്ള ചിത്രങ്ങളും വീഡിയോകളുമായി ഇന്‍സ്‌റ്റഗ്രാമില്‍ എത്തിയിരിക്കുകയാണ് ശ്രിയ. ഒപ്പം ഹൃദയസ്‌പര്‍ശിയായ ഒരു കുറിപ്പും താരം പങ്കുവച്ചിട്ടുണ്ട്‌.
Shriya Saran shares family pics: 'ഹാപ്പി ആനിവേഴ്‌സറി ആന്‍ഡ്രി കോഷീവ്‌. നമ്മള്‍ ആസ്വദിച്ച സ്‌നേഹത്തിനും സന്തോഷങ്ങള്‍ക്കും നിന്നോട്‌ ഞാന്‍ നന്ദി പറയുന്നു. നമ്മള്‍ എല്ലായ്‌പ്പോഴും വളരുന്നതും പര്യവേഷണം നടത്തുന്നതും പഠിക്കുന്നതും യാത്ര ചെയ്യുന്നതും സ്‌നേഹം നല്‍കുന്നതും സ്‌നേഹം സ്വീകരിക്കുകയും സന്തോഷം പകരുകയും ഒക്കെ ചെയ്യുന്നത്‌ നല്ല സുഹൃത്തുക്കളുമായിട്ടോ സ്‌നേഹിതരുമായിട്ടോ ആയിരിക്കാം. നിങ്ങളുമായിട്ടുള്ള എന്‍റെ ആകസ്‌മികമായ കൂടിക്കാഴ്‌ച്ചക്ക്‌ വഴിയൊരുക്കിയ ദ്രുതി ദേവിനോട്‌ ഞാന്‍ എല്ലായ്‌പ്പോഴും കടപ്പെട്ടിരിക്കും. ഞങ്ങള്‍ രണ്ടാളും വളരെയധികം അനുഗ്രഹിക്കപ്പെട്ടവരാണ്.