The Great Indian Kitchen Hindi remake : 'ദ ഗ്രേറ്റ് ഇന്ത്യൻ കിച്ചൺ' എന്ന മലയാള സിനിമയുടെ ഹിന്ദി റീമേക്കില്‍ സന്യ മല്‍ഹോത്രയും. ഭര്‍ത്താവിന്‍റെയും കുടുംബത്തിന്‍റെയും പ്രതീക്ഷക്കൊത്ത്‌ കീഴ്‌വഴക്കമുള്ള ഭാര്യയാകാന്‍ പാടുപെടുന്ന യുവതിയുടെ കഥയാണ് ചിത്രം പറയുന്നത്‌.
Sanya Mahotra in The Great Indian Kitchen remake : സിനിമയില്‍ ജോയിന്‍ ചെയ്‌ത വിവരം സന്യ തന്നെ ആരാധകരുമായി പങ്കുവച്ചു. 'ഒരു അഭിനേതാവെന്ന നിലയിൽ, 'ദ ഗ്രേറ്റ് ഇന്ത്യൻ കിച്ചണ്‍' എന്ന സിനിമയില്‍ ഇതിലും മികച്ചൊരു കഥാപാത്രം എനിക്ക് ചോദിക്കാൻ കഴിയുമായിരുന്നില്ല. ആ കഥാപാത്രം ആകുന്നതില്‍ ഞാന്‍ കൂടുതൽ ആവേശത്തിലാണ്.' - സന്യ പറഞ്ഞു.
'കാർഗോ' ഒരുക്കിയ ആരതി കടവ് ആണ് സിനിമ സംവിധാനം ചെയ്യുന്നത്. ഹർമൻ, സന്യ എന്നിവര്‍ക്കൊപ്പം പ്രവര്‍ത്തിക്കാന്‍ കഴിഞ്ഞതില്‍ താന്‍ ആവേശഭരിതയാണെന്ന് ആരതി കടവ് പറഞ്ഞു. 'ഞാൻ കണ്ടിട്ടുള്ളതിൽ വച്ച് ഏറ്റവും മികച്ച തിരക്കഥകളിലൊന്നാണ്‌ ദ ഗ്രേറ്റ് ഇന്ത്യന്‍ കിച്ചണിന്‍റേത്. സിനിമയ്‌ക്ക്‌ വേണ്ടി തന്‍റെ ശബ്‌ദം നല്‍കാനും തയ്യാറാണ്.'-ആരതി കടവ് പറഞ്ഞു.