ഇന്ത്യൻ ക്രിക്കറ്റിന്‍റെ ദാദ... മുൻ കാപ്‌റ്റനും ബിസിസിഐ അധ്യക്ഷനുമായ സൗരവ് ഗാംഗുലിയുടെ ജീവിതം ആസ്‌പദമാക്കി ബോളിവുഡിൽ ബയോപിക് ഒരുങ്ങുന്നു. തന്‍റെ ജീവിതം വെള്ളിത്തിരയിലേക്ക് പകർത്തുന്നുവെന്ന് സൗരവ് ഗാംഗുലിയാണ് സമൂഹമാധ്യമങ്ങളിലൂടെ അറിയിച്ചത്.
ലൗ ഫിലിംസിന്‍റെ ബാനറിൽ ലൗ രഞ്ജൻ, അങ്കുർ ഗാർഗ് എന്നിവർ ചേർന്നാണ് ചിത്രം നിർമിക്കുന്നത്. എന്നാൽ, ആരായിരിക്കും ഗാംഗുലിയായി സിനിമയിലെത്തുക എന്നതും സംവിധായകനെ കുറിച്ചും വ്യക്തമാക്കിയിട്ടില്ല.
സൗരവ് ഗാംഗുലിയുടെ ട്വീറ്റ്
'ക്രിക്കറ്റാണ് എന്‍റെ ജീവിതം. എനിക്ക് ആത്മവിശ്വാസത്തോടെ തല ഉയര്‍ത്തിപ്പിടിച്ച് നടക്കാനുള്ള കഴിവും ആത്മവിശ്വാസവും ക്രിക്കറ്റ് എനിക്ക് തന്നു. ഒപ്പം മനോഹരമായ യാത്രയും. ഈ യാത്രയെ ബിഗ് സ്‌ക്രീനിലെത്തിക്കാന്‍ ലൗ ഫിലിംസ് ബയോപിക് ചെയ്യുന്നതില്‍ അതിയായ ആനന്ദമുണ്ട്,' സൗരവ് ഗാംഗുലി ട്വിറ്ററിൽ കുറിച്ചു.