Vicky Katrina wedding : കാത്തിരുന്ന പ്രൗഡ ഗംഭീര വിവാഹത്തിന് ബോളിവുഡ്‌ ലോകം സാക്ഷ്യം വഹിച്ചു. അതെ, ബോളിവുഡ്‌ താര ജോഡികളായ വിക്കി കൗശലും കത്രീന കെയ്ഫും വിവാഹിതരായി. ജയ്‌പൂരിലെ ഫോര്‍ട്ട് ബര്‍വാരയിലെ സെന്‍സസ്‌ റിസോര്‍ട്ടില്‍ വച്ച് നടന്ന ചടങ്ങില്‍ കുടുംബാംഗങ്ങളും അടുത്ത സുഹൃത്തുക്കളും മാത്രമാണ് പങ്കെടുത്തത്.
Strict restrictions in Vickat wedding : അതീവ സുരക്ഷ ക്രമീകരണങ്ങളോടെയായിരുന്നു വിവാഹം. ക്ഷണിക്കപ്പെട്ടവര്‍ക്ക് മാത്രമായിരുന്നു വിവാഹ വേദിയിലേയ്‌ക്ക് പ്രവേശനമൊരുക്കിയത്. ബോളിവുഡ്‌ താരങ്ങള്‍ ഉള്‍പ്പെടെ ആകെ 120 പേര്‍ക്കായിരുന്നു ക്ഷണം.
നേരത്തെ നല്‍കിയിരുന്ന രഹസ്യ കോഡുമായി മാത്രമേ വിവാഹ സ്ഥലത്തേയ്‌ക്ക് അതിഥികള്‍ക്ക് എത്തിച്ചേരാന്‍ സാധിക്കൂ. ഈ രഹസ്യകോഡ് പുറത്തു പറയില്ലെന്ന ഉടമ്പടിയിലും അതിഥികള്‍ ഒപ്പുവെയ്‌ക്കണമായിരുന്നു. കൂടാതെ റിസോര്‍ട്ടിനുള്ളിലേക്ക് ഫോണ്‍ കൊണ്ട് പോവാനോ ഫോട്ടോ എടുക്കാനോ പാടില്ലെന്നും നിബന്ധനയുണ്ടായിരുന്നു.
അതേസമയം തങ്ങളുടെ വിവാഹ ചിത്രം കത്രീന തന്‍റെ ഇന്‍സ്‌റ്റഗ്രാമില്‍ പങ്കുവച്ചു. ചിത്രത്തിന് താഴെ നിരവധി പേരാണ് താരങ്ങള്‍ക്ക് ആശംസകളുമായി എത്തിയത്.