ആമിർ ഖാന്‍റെയും കിരൺ റാവുവിന്‍റെയും വിവാഹമോചന വാർത്ത ബോളിവുഡിൽ കോളിളക്കം സൃഷ്ടിച്ചതിനു പിന്നാലെ ആമിർ ഖാന്‍റെ മകൾ ഇറ ഖാന്‍റെ പ്രതികരണം ശ്രദ്ധ നേടുന്നു. ഇറ പങ്കുവച്ച ഇൻസ്റ്റഗ്രാം സ്റ്റോറിയാണ് ചർച്ചയാകുന്നത്.
ആമിറും കിരണും വിവാഹമോചന വാർത്ത പരസ്യപ്പെടുത്തിയതിന് ശേഷം ഇറ ഇൻസ്റ്റഗ്രാമിൽ പങ്കുവച്ച ആദ്യ വീഡിയോ ഭക്ഷണത്തിന്‍റെ റിവ്യു ആണ്. ചീസ് കേക്കിന്‍റെ റിവ്യു ആണ് ഇറ പങ്കുവച്ചിരിക്കുന്നത്. പോസ്റ്റ് ചെയ്യുന്നതിന് മുൻപ് അടുത്ത റിവ്യു നാളെ.. അത് എന്താവും എന്ന് എഴുതിയ സ്റ്റോറിയും പങ്കുവച്ചിരുന്നു. എന്നാൽ വിവാഹമോചനത്തെ കുറിച്ച് ഇറ ഇതുവരെ പ്രതികരിച്ചിട്ടില്ല. എന്നാൽ പുതിയ പോസ്റ്റിനു താഴെ ഇറയുടെ പ്രതികരണം ചോദിച്ചുകൊണ്ടുള്ള കമന്‍റുകളുടെ പ്രവാഹമാണ്.