ട്വിറ്ററില്‍ ഏറ്റവും കൂടുതല്‍ ട്രെന്‍റിങായിക്കൊണ്ടിരിക്കുന്ന ഹാഷ്‌ടാഗുകളില്‍ ഒന്നാണ് 'ബോയ്‌കോട്ട് നെറ്റ്ഫ്ലിക്‌സ്'. ലോകത്ത് തന്നെ ഏറ്റവും കൂടുതല്‍ സബ്‌സ്ക്രൈബേഴ്‌സുള്ള നെറ്റ്ഫ്ലിക്‌സില്‍ സ്ട്രീം ചെയ്യുന്ന 'എ സ്യൂട്ടബിള്‍ ബോയ്' സീരിസിലെ ചുംബന രംഗമാണ് ഹാഷ്‌ടാഗ് പ്രചരിക്കാന്‍ കാരണം. സിനിമയിലെ ചുംബന രംഗം ലൗജിഹാദ് പ്രോത്സാഹിപ്പിക്കുന്നുവെന്നാണ് ഹാഷ്‌ടാഗുമായി രംഗത്തെത്തിയവര്‍ പറയുന്നത്.
മീര നായര്‍ സംവിധാനം ചെയ്‌ത സീരിസിലെ ക്ഷേത്രത്തില്‍ ചിത്രീകരിച്ച സീക്വന്‍സില്‍ നടി തന്യാ മാനിക്താലയുടെ കഥാപാത്രമായ ഹിന്ദു കുടുംബത്തില്‍ നിന്നുള്ള ലത നടന്‍ ദാനേഷ് രസ്വിയുടെ കഥാപാത്രമായ മുസ്ലീമായ കബീര്‍ ദുറാനിയെ ചുംബിക്കുന്നുണ്ട്. ഈ രംഗങ്ങളാണ് വലിയ ചര്‍ച്ചകള്‍ക്കും നെറ്റ്ഫ്ലിക്‌സ് ബഹിഷ്‌കരിക്കാനുമുള്ള ആഹ്വാനത്തിനും ഇടയാക്കിയത്. ഇന്ത്യയുടെ സംസ്‌കാരം അല്ല നെറ്റ്ഫ്ലിക്‌സ് പ്രദർശിപ്പിക്കുന്നതെന്നും വിമർശനമുണ്ട്.