Shane Warne passed away: ഓസ്‌ട്രേലിയൻ ഇതിഹാസ സ്‌പിന്നര്‍ ഷെയ്‌ന്‍ വോണിന്‍റെ നിര്യാണത്തിന്‍റെ ഞെട്ടലിലാണ് ലോകമൊട്ടാകെയുള്ള ആരാധകരും ജനങ്ങളും. ഹൃദയാഘാതത്തെ തുടര്‍ന്നായിരുന്നു അന്ത്യം. 52ാം വയസില്‍ ഷെയ്‌ന്‍ വോണ്‍ വിടപറഞ്ഞു പോകുമ്പോള്‍ പലര്‍ക്കും വാര്‍ത്ത വിശ്വസിക്കാനോ അംഗീകരിക്കാനോ കഴിയുന്നില്ല.
Bollywood actors condole demise of Shane Warne: ഷെയ്‌ന്‍ വോണിന്‍റെ വിയോഗത്തോടെ ക്രിക്കറ്റ് ലോകത്തെ ഒരു ഇതിഹാസത്തെയാണ് ഏവര്‍ക്കും നഷ്‌ടമായിരിക്കുന്നത്‌. അദ്ദേഹത്തിന്‍റെ അപ്രതീക്ഷിത വിയോഗത്തിന്‍റെ ഞെട്ടല്‍ ഇനിയും വിട്ടുമാറിയിട്ടില്ല പലര്‍ക്കും. ബോളിവുഡ്‌ ലോകവും ഞെട്ടലിലാണ്. സിനിമാ-സാംസ്‌കാരിക-രാഷ്‌ട്രീയ-കായിക മേഖലയിലെ നിരവധി പ്രമുഖര്‍ ഷെയ്‌ന്‍ വോണിന് അനുശോചനം രേഖപ്പെടുത്തി രംഗത്തെത്തിയിരിക്കുകയാണ്.
അനില്‍ കപൂര്‍, അനുപം ഖേര്‍, മനോജ് ബാജ്‌പേയ്‌, ശിൽപ ഷെട്ടി തുടങ്ങി നിരവധി പ്രമുഖർ അദ്ദേഹത്തിന്‍റെ നിര്യാണത്തില്‍ അനുശോചനം രേഖപ്പെടുത്തി. 'ഈ വാര്‍ത്ത എന്നെ പോലെ ദശലക്ഷക്കണക്കിന് ആളുകളെ ഞെട്ടിക്കുകയും അവിശ്വാസത്തിലാഴ്‌ത്തുകയും ചെയ്‌തു... വളരെ വേഗം പോയി.. സ്‌പിന്‍ രാജാവേ നിങ്ങള്‍ അന്ത്യ വിശ്രമം കൊള്ളൂ...' -അനില്‍ കപൂര്‍ ട്വീറ്റ് ചെയ്‌തു.
'ഇതേകുറിച്ച്‌ പറയാന്‍ വാക്കുകളില്ല.. ഷെയ്‌ന്‍ വോണിന്‍റെ അകാല വിയോഗം.. അദ്ദേഹം ഇല്ലാത്ത ക്രിക്കറ്റിനെ സ്‌നേഹിക്കാന്‍ കഴിയില്ല. ഇത്‌ വളരെ ഹൃദയഭേദകമാണ്. ഓം ശാന്തി.'-അക്ഷയ്‌ കുമാര്‍ കുറിച്ചു.
'ഇതെങ്ങനെ സത്യമാകും? തികച്ചും ഞെട്ടിക്കുന്നതാണ്!! വളരെ പെട്ടന്ന് പോയി, മാസ്ട്രോ!! അന്ത്യ വിശ്രമം കൊള്ളൂ..' - ദേശീയ അവാർഡ് ജേതാവ്‌ നടൻ മനോജ് ബാജ്‌പേയി ട്വീറ്റ് ചെയ്‌തു.