ആയുഷ്‌മാൻ ഖുറാനയുടെ പുതിയ ചിത്രം 'ശുഭ് മംഗല്‍ സ്യാദ സാവ്ദാൻ' ട്രെയിലർ പുറത്തിറങ്ങി

'ശുഭ് മംഗല്‍ സ്യാദ സാവ്ദാൻ' അടുത്ത മാസം 21ന് തിയേറ്ററിലെത്തും.

ആയുഷ്മാന്‍ ഖുറാനയുടെ പുതിയ ചിത്രം ശുഭ് മംഗല്‍ സ്യാദ സാവ്ദാനി'ന്‍റെ ട്രെയിലർ പുറത്തിറങ്ങി. ഹിതേഷ് കെവലയ്യ തിരക്കഥയെഴുതി സംവിധാനം ചെയ്യുന്ന ചിത്രത്തിൽ നീന ഗുപ്‌ത, ഗജരാജ് റാവു, ജിതേന്ദ്ര കുമാർ, സുനിത രജ്വാർ എന്നിവരാണ് പ്രധാന വേഷങ്ങളിലെത്തുന്നത്.

ഖുറാന ഒരു ഗേയുടെ വേഷമാണ് അവതരിപ്പിക്കുന്നത്. കാർത്തിക്കിന്‍റെയും അമാന്‍റെയും പ്രണയം എങ്ങനെ ശുഭപര്യവസാനത്തിൽ എത്തുന്നുവെന്നാണ് ചിത്രം വിവരിക്കുന്നത്.

ആനന്ദ് എൽ. റായിയും ഭൂഷൺ കുമാറും ചേർന്ന് നിർമിക്കുന്ന ചിത്രത്തിന്‍റെ സംഗീതം തനിഷ്‌ക്, വായു എന്നിവരാണ്. ആയുഷ്‌മാൻ ഖുറാനയുടെ അടുത്ത ഹിറ്റെന്ന് പ്രതീക്ഷിക്കുന്ന ചിത്രം അടുത്ത മാസം 21ന് തിയേറ്ററിലെത്തും.