ന്യൂയോര്‍ക്ക്: സാമ്പത്തിക - സാങ്കേതിക മാന്ദ്യത്തെ തുടര്‍ന്ന് ടെക്ക് ഭീമനായ ഐബിഎമ്മില്‍ (ഇന്‍റര്‍നാഷണല്‍ ബിസിനസ് മെഷീന്‍സ്) നിന്ന് 3,900 തസ്‌തികകള്‍ വെട്ടിക്കുറയ്‌ക്കുമെന്ന് വാള്‍ സ്‌ട്രീറ്റ് ജേര്‍ണലിന്‍റെ റിപ്പോര്‍ട്ട്. കഴിഞ്ഞ വർഷം ഐബിഎം ആരംഭിച്ച ഐടി സേവന സംരംഭമായ കിൻഡ്‌റിൽ ഹോൾഡിംഗ്‌സിൽ നിന്നും അതിന്‍റെ ഹെൽത്ത്‌കെയർ യൂണിറ്റില്‍ നിന്നുമാണ് ജോലി വെട്ടിക്കുറയ്ക്കുന്നത്. ഏകദേശം 300 ദശലക്ഷം യുഎസ്‌ ഡോളര്‍ നഷ്‌ടം സംഭവിച്ചതിനാലാണ് ഇത്തരം നടപടിയെന്ന് ഐബിഎം വക്താവ് പറഞ്ഞു.
പിരിച്ചുവിടല്‍ വഴി 2,80,000 തൊഴിലാളികളില്‍ നിന്ന് 1.4 ശതമാനമായി കുറയുമെന്ന് ഐബിഎയുടെ ഏറ്റവുമടുത്ത വാര്‍ഷിക റിപ്പോര്‍ട്ടില്‍ പറയുന്നു. 2022ന് കമ്പനിയുടെ അറ്റദായം 2.71 ബില്ല്യണ്‍ യുഎസ്‌ ഡോളര്‍ അല്ലെങ്കില്‍ 2.96 യുഎസ്‌ ഡോളറായിരുന്നു രേഖപ്പെടുത്തിയത്. എന്നാല്‍ 2021 വര്‍ഷത്തില്‍ 2.33 ബില്ല്യണ്‍ യുഎസ്‌ ഡോളറാണ് അറ്റദായ ഇനത്തില്‍ രേഖപ്പെടുത്തിയത്.
വിദഗ്‌ധര്‍ വിലയിരുത്തിയ 3.59 ഷെയറിനെക്കാളും കമ്പനിയുടെ ക്രമീകൃത മൊത്തവരുമാനം 3.60 യുഎസ്‌ ഡോളറാണ്. എന്നാല്‍, ഒരു വര്‍ഷത്തിനുള്ളില്‍ കമ്പനിയുടെ വാര്‍ഷിക വരുമാനം 16.70 ബില്ല്യണ്‍ യുഎസ്‌ ഡോളറില്‍ നിന്ന് 16.69 ആയി കുറഞ്ഞു. മുൻവർഷത്തെ അപേക്ഷിച്ച് ന്യൂയോർക്ക് ആസ്ഥാനമായുള്ള നിരവധി കമ്പനിയുടെ വ്യത്യസ്‌ത വിഭാഗങ്ങളുടെ വരുമാനം വർദ്ധിച്ചു.