കേരളം

kerala

വയര്‍ലെസ് ചാര്‍ജിങിന് തടസം, ക്യാമറ ഷേക്കിങ്; ഐഫോണ്‍ 14 പ്രോയുടെ ഉപയോഗത്തില്‍ പരാതിക്കാരേറെ

By

Published : Oct 3, 2022, 8:23 AM IST

ഏറെ കാത്തിരിപ്പിനൊടുവില്‍ അവതരിപ്പിച്ച മോഡലായ ആപ്പിള്‍ ഐഫോണ്‍ 14 പ്രോയുടെ മികച്ച ക്യാമറ ഹൗസിങ് ഫീച്ചര്‍ വയര്‍ലസ് ചാര്‍ജിങ്ങിന് തടസം സൃഷ്‌ടിക്കുന്നുവെന്ന് റിപ്പോര്‍ട്ട്

complaint on wireless charging  wireless charging  camera shaking  t recently released apple iPhone  apple iPhone  apple  iPhone  iPhone 14 Pro  iPhone 14 Pro max  latest news in apple  latest tech news  latest news today  വയര്‍ലെസ് ചാര്‍ജിങിന് തടസം  ക്യാമറ ഷേക്കിങ്  അടുത്തിടെയിറങ്ങിയ ഐഫോണ്‍  ഐഫോണ്‍ 14 പ്രോയുടെ ഉപയോഗത്തില്‍ പരാതി  complaint about recently released apple iPhone  ആപ്പിള്‍  ഐഫോണ്‍ 14 പ്രോ  മികച്ച ക്യാമറ ഹൗസിങ് ഫീച്ചര്‍  തേര്‍ഡ് പാര്‍ട്ടി ആപ്പുകള്‍  വാഷിങ്ടണ്‍ ഏറ്റവും പുതിയ വാര്‍ത്ത  ആപ്പിള്‍ ഏറ്റവും പുതിയ വാര്‍ത്ത  ഇന്നത്തെ പ്രധാന വാര്‍ത്ത
വയര്‍ലെസ് ചാര്‍ജിങിന് തടസം, ക്യാമറ ഷേക്കിങ്; അടുത്തിടെയിറങ്ങിയ ഐഫോണ്‍ 14 പ്രോയുടെ ഉപയോഗത്തില്‍ പരാതിക്കാരേറെ

വാഷിങ്ടണ്‍:ഏറെ കാത്തിരിപ്പിനൊടുവില്‍ അവതരിപ്പിച്ച മോഡലായ ആപ്പിള്‍ ഐഫോണ്‍ 14 പ്രോയുടെ മികച്ച ക്യാമറ ഹൗസിങ് ഫീച്ചര്‍ വയര്‍ലെസ് ചാര്‍ജിങ്ങിന് തടസം സൃഷ്‌ടിക്കുന്നുവെന്ന് റിപ്പോര്‍ട്ട്. മാഷബിളിന്‍റെ റിപ്പോര്‍ട്ട് പ്രകാരം നിരവധി ഉപയോക്താക്കളാണ് ഇത്തരമൊരു പ്രശ്‌നം ചൂണ്ടിക്കാട്ടിയിരിക്കുന്നത്. സ്‌മാർട്ട്‌ഫോൺ ചാർജ് ചെയ്യുന്നതിൽ നിന്ന് ചില ആക്‌സസറികള്‍ക്ക് തടസം സൃഷ്‌ടിക്കുന്ന തരത്തില്‍ ക്യാമറയുടെ ബമ്പ്, ഐഫോൺ 14 പ്രോ വയര്‍ലെസ് ചാര്‍ജറുമായി പൊരുത്തപ്പെടുന്നില്ലെന്നായിരുന്നു പരാതി.

ഐഫോൺ 14 പ്രോയുടെ വലിയ ക്യാമറ മുന്‍ മോഡലുകളെ അപേക്ഷിച്ച് തികച്ചും വ്യത്യസ്‌തമാണ്. ക്യാമറകള്‍ ദൃഢമാണെങ്കിലും തേര്‍ഡ് പാര്‍ട്ടി ആപ്പുകള്‍ ഉപയോഗിക്കുമ്പോള്‍ അമിതമായി ഷേക്ക് ആകുന്നുവെന്നും മറ്റ് ചിലര്‍ പരാതിയില്‍ പറയുന്നു. ഇത്തരത്തില്‍ ക്യാമറ ഷേക്ക് ആകുന്നതാണ് വയര്‍ലെസ് ചാര്‍ജിങ് സംവിധാനത്തിന് തടസം സൃഷ്‌ടിക്കുന്നതെന്ന് റിപ്പോര്‍ട്ട് സൂചിപ്പിക്കുന്നു.

മുമ്പ് യുഎസിലെ വെറിസണ്‍ ഐഫോണ്‍ 14 പ്രോ ഉപയോക്താക്കള്‍ കോളുകള്‍ ഇടയ്‌ക്കിടെ വിച്ഛേദിക്കപ്പെടുന്നുവെന്നും മോശം 5ജി നെറ്റ്‌വര്‍ക്ക് കണക്‌ടിവിറ്റിയാണെന്നും പരാതിപ്പെട്ടിരുന്നുവെന്ന് മാഷബിള്‍ ചൂണ്ടിക്കാട്ടുന്നു. ഇതേതുടര്‍ന്ന്, അടുത്തിടെയുള്ള ചില ഐഫോൺ 14 പ്രോ യൂണിറ്റുകൾ നേരിടുന്ന ക്യാമറയുടെ ഷേക്കിങ് സംബന്ധിച്ച പ്രശ്‌നം പരിഹരിക്കുന്നതിനായി കമ്പനി ഐഒഎസ് അപ്‌ഡേറ്റ് പുറത്തിറക്കി. ഐഫോണ്‍ 14 പ്രോ, ഐഫോണ്‍ 14 പ്രോ മാക്‌സ്, എന്നീ മോഡലുകള്‍ നേരിടുന്ന ക്യാമറ സംബന്ധമായ പ്രശ്‌നങ്ങള്‍ പരിഹരിക്കുന്നതിന് ഇപ്പോള്‍ ആപ്പിള്‍ ഏറ്റവും പുതിയ ഐഒഎസ് 16.0.2 അപ്‌ഡേറ്റ് വിതരണം ചെയ്യുന്നു.

ഇന്‍സ്‌റ്റഗ്രാം, സ്‌നാപ്പ് ചാറ്റ്, ടിക്ക്‌ടോക്ക് തുടങ്ങിയ തേര്‍ഡ് പാര്‍ട്ടി ആപ്പുകള്‍ നിലവിലെ പരാതികള്‍ സ്വീകരിച്ചു. തുടര്‍ന്ന് ഐഒഎസ് 16 ഉപയോഗിക്കാന്‍ കഴിയുന്ന എല്ലാ ഐഫോണിലും അപ്‌ഡേഷന്‍ ലഭ്യമാണെന്ന് കമ്പനി അറിയിച്ചു.

ABOUT THE AUTHOR

...view details